Dubay hukumati Cruise kompaniyasining haydovchisiz boshqariladigan Origin shattlarini xarid qilishni boshlaydi. Bu haqda amirlik valiahdi Shayx Hamdan ibn Muhammad Ol Maktumning rasmiy saytida e’lon qilingan, deb xabar beradi Motor. E’londa shahzoda Amerika firmasi bilan 2030-yilga qadar 4 mingta avtonom elektrokarlarni yetkazib berish bo‘yicha bitim imzolagan.
Origin’ning dastlabki tashuvchilari amirlik bo‘ylab 2023-yildan boshlab harakatlanadi va 11 mingta oddiy taksidan iborat parkning bir qismiga aylanadi. 2030-yilga borib yana mingta haydovchisiz boshqariladigan avtomobillar xizmatga jalb etiladi — ular taksilarda amalga oshiriladigan barcha safarlarning chorak qismini egallaydi.
Haydovchisiz boshqariladigan Origin shtalli 2020-yil boshida taqdim etilgan. Uning asosini General Motors elektroplatformasi tashkil etadi va haydovchiga muhtoj emas. Bir nechta kamera va sensorlar yo‘l hamda atrofdagi obyektlarni kuzatish, shuningdek, qorong‘i va noqulay ob-havo sharoitida harakatlanish imkonini beradi. Ixtirochilarining so‘zlariga ko‘ra, bu kabi avtonom mashinalar 1,5 million kilometr yo‘l bosishga qodir.
Cruise — San-Fransiskoda joylashgan startap bo‘lib, haydovchisiz boshqariladigan avtomobillarni yaratishga ixtisoslashgan. Unga 2013-yilda asos solingan va oradan uch yil o‘tib, startapni General Motors konserni sotib olgan. Bu vaqt davomida Amerikaning mazkur kompaniyasidagi ishchilar soni 40 nafardan 1800 nafarga yetgan, umumiy kapitalizatsiyasi 30 milliard dollardan oshadi.
Eslatib o‘tamiz, yanvar oyida Microsoft rul va tepkilarsiz avtomobilni yaratgan Cruise kompaniyasiga 2 milliard dollar sarmoya kiritgandi.
Izoh (0)