Ford Performance спорт бўлинмаси товуқ қанотчалари учун мўлжалланган аччиқ соусга бағишланган реклама ролигини эълон қилди. Муаллифларнинг ғоясига кўра, ушбу маҳсулот Ford Mustang Mach-E 1400 электроспорткарини бошқаришдан олинадиган тассуротни ҳис қилишга ёрдам беради, деб ёзади Motor.
Роликни суратга олишда америкалик таниқли блогер Шон Эванс ва Ford Mustang Mach-E 1400’ни яратишда иштирок этган дрифт бўйича жаҳон чемпиони кичик Вон Гиттин қатнашган. Видео муаллифларининг маълум қилишича, аччиқ соусдан кейинги ёқимли таъмни пойга электрокарини бошқариш билан таққослаш мумкин. Шу орқали қаҳрамонлари Mustang’ни «татиб кўришни» таклиф қилган.
Ролик иштирокчилари соус истеъмол қилинганидан кейин кўзга умуман тегинмасликни, шунингдек, аччиқ маҳсулотни ҳаддан ортиқ кўп емасликни маслаҳат берган. Видео экстремаллар кўчида ёш билан аччиқ таъмга сут ёрдамида «курашиш»га урингани билан якунланган. Оригинал реклама усулига қарамай, Ford Performance бўлинмаси соусни очиқ савдога чиқариш ниятида эмас, чунки у «бунинг учун жуда аччиқлик қилади».
Ford Mustang Mach-E 1400 модели 2020 йилда тақдим этилган. Прототипга 1419 от кучини тақдим этишга қодир еттита электромотор, шунингдек, сиғими 56,8 киловатт/соатга тенг никел-магний-кобатли батареялар ўрнатилган.
Аввалроқ General Motors концерни назорати остида бўлган GMC маркаси янги Hummer’нинг имкониятлари намойиш этилган навбатдаги ролик билан бўлишганди. Видеода GMC Hummer EV электропикапининг прототипи қор уюмида «кулча ясаганини» кўриш мумкин.
Изоҳ (0)