Ford Performance sport bo‘linmasi tovuq qanotchalari uchun mo‘ljallangan achchiq sousga bag‘ishlangan reklama roligini e’lon qildi. Mualliflarning g‘oyasiga ko‘ra, ushbu mahsulot Ford Mustang Mach-E 1400 elektrosportkarini boshqarishdan olinadigan tassurotni his qilishga yordam beradi, deb yozadi Motor.
Rolikni suratga olishda amerikalik taniqli bloger Shon Evans va Ford Mustang Mach-E 1400’ni yaratishda ishtirok etgan drift bo‘yicha jahon chempioni kichik Von Gittin qatnashgan. Video mualliflarining ma’lum qilishicha, achchiq sousdan keyingi yoqimli ta’mni poyga elektrokarini boshqarish bilan taqqoslash mumkin. Shu orqali qahramonlari Mustang’ni “tatib ko‘rishni” taklif qilgan.
Rolik ishtirokchilari sous iste’mol qilinganidan keyin ko‘zga umuman teginmaslikni, shuningdek, achchiq mahsulotni haddan ortiq ko‘p yemaslikni maslahat bergan. Video ekstremallar ko‘chida yosh bilan achchiq ta’mga sut yordamida “kurashish”ga uringani bilan yakunlangan. Original reklama usuliga qaramay, Ford Performance bo‘linmasi sousni ochiq savdoga chiqarish niyatida emas, chunki u “buning uchun juda achchiqlik qiladi”.
Ford Mustang Mach-E 1400 modeli 2020-yilda taqdim etilgan. Prototipga 1419 ot kuchini taqdim etishga qodir yettita elektromotor, shuningdek, sig‘imi 56,8 kilovatt/soatga teng nikel-magniy-kobatli batareyalar o‘rnatilgan.
Avvalroq General Motors konserni nazorati ostida bo‘lgan GMC markasi yangi Hummer’ning imkoniyatlari namoyish etilgan navbatdagi rolik bilan bo‘lishgandi. Videoda GMC Hummer EV elektropikapining prototipi qor uyumida “kulcha yasaganini” ko‘rish mumkin.
Izoh (0)