Xiaomi ўзининг коллектив молиялаштириш платформаси орқали лапша ишлаб чиқаришга мўлжалланган 30 долларли қурилмани таклиф этмоқда, деб хабар беради IXBT.
Kribee Big V Handheld Noodle Maker номи остидаги қурилма ноёб дизайни учун Red Dot 2021 мукофотини қўлга киритишга улгурди. Гаджет ихтирочиларининг таъкидлашича, у уй шароитида мазали лапша тайёрлаш жараёнини максимал даражада соддалаштириш ва тезлаштириш имконини беради.
Фойдаланувчилардан фақат унни сув билан керакли миқдорда аралаштириш, сўнг тайёр бўлган хамирни махсус бўлмага солиш талаб этилади. Қурилма бир марта ишлаш орқали 200 грамм лапшани тайёрлаш имконини беради. Шу билан бирга, бутун жараён 15 сониядан ошмайди, хамир қолдиқлари идиш ёки қурилма четларига ёпишмайди.
Лапша тайёрлашга мўлжалланган Kribee Big V Handheld Noodle Maker портатив қурилмаси жуда енгил ва ихчам, уни сақлаш учун катта жой керак эмас. Шунингдек, гаджет исталган розеткадан туриб ишлай олади.
Аввалроқ Xiaomi «учтаси бирда» фонарини, энг арзон электроскутерни, бармоқ изи сканерига эга блокнотни тақдим этганди.
Изоҳ (0)