Витаминга бой рецептлар: янги картошкадан тайёрланадиган 5 хил салат

Янги картошка нафақат тез пишиши билан, балки витаминларга бойлиги билан ҳам таом тайёрлашда аҳамиятга эга. Қуйида баҳор мавсумида истеъмол қилиш керак бўлган салат рецептлари билан танишинг.

Лососли салат

Керакли маҳсулотлар:

• янги картошка — 300 г;
• тухум — 4 та;
• ловия — 200 г;
• редиска — 100 г;
• қуритилган нон бўлаклари — 50 г;
• дудланган лосось балиғи — 250 г;
• лимон — 1 та;
• кўкатлар.

• қизил чили соуси — 3 ош қошиқ;
• ўсимлик ёғи — 2 ош қошиқ;
• кўк пиёз;
• туз, зираворлар.

1. Янги картошкани арчмасдан, яхшилаб ювиб, пўстли ҳолда ловия билан бир идишда 6-10 дақиқа қайнатинг.
2. Пишган сабзавотларни сувдан олиб совитинг. Картошка катта бўлса, уни 3-4 бўлакка бўлиб тўғранг.
3. Тухумни ҳам қайнатиб, 4 бўлакка бўлиб олинг.
4. Тўғралган редиска ва кўкатлар солинган идишга дудланган лосось балиғини тери ва қилтаноқлардан тозалаб, солинг.
5. Барча маҳсулотларни аралаштириб, қайнатилган картошка ва ловияни ҳам қўшинг. Салатни тухум ва лимон бўлаклари билан безанг.

Керакли маҳсулотлар:

• редиска — 1 боғлам;
• картошка — 1-2 кг;
• шивит — 1 боғлам.

• зайтун ёғи — 3 ош қошиқ;
• лимон шарбати — 1 ош қошиқ;
• хантал — 1 ош қошиқ;
• туз, зираворлар.

1. Картошкани қайнатиб, паррак қилиб тўғранг.
2. Редискани ҳам тозалаб, айлана шаклида тўғранг.
3. Идишда зайтун ёғи, лимон шарбати, хантал, туз ва зираворларни аралаштириб олинг. Сўнгра аралашмага картошка ва редискани қўшинг.

Керакли маҳсулотлар:

• янги картошка — 6 та;
• помидор қоқи — 200 г;
• ковул (сиркаланган ва овқатга қўшиб ейиладиган куртаклари) — 50 г;
• қизил пиёз — 1 та;
• зайтун ёғи — 3 ош қошиқ;
• қуюқ хушбўй сирка — 1 ош қошиқ;
• шивит;
• туз, зираворлар.

1. Картошкани қайнатиб, куб шаклида тўғранг ва ўсимлик ёғида қовуриб олинг.
2. Сўнгра помидор қоқи, ковул ва пиёзни қўшиб, аста аралаштиринг.
3. Маҳсулотларга уксус қўшиб, туз ва зираворлар солинг. Салатни шивит билан безаб, дастурхонга иссиқ ҳолда тортинг.

Керакли маҳсулотлар:

• майда картошка — 12 та;
• бақлажон — 1 та 
• қовоқча ёки сукини — 2 та;
• ўсимлик ёғи;
• туз.

1. Бақлажон ва қовоқчани айлана шаклида тўғранг ва 15-20 дақиқага тузли сувга солиб қўйинг. Сувни тўкиб, қуритиб олинг.
2. Грилл панжарасини ўсимлик ёғи билан ёғлаб, бақлажон ва қовоқча бўлакларини 10 дақиқа давомида икки томонини қизартириб, печда пиширинг.
3. Картошкаларни ҳам тозалаб, қуритинг. Устига ўсимлик ёғи суртиб, 15 дақиқа печ панжарасида пишириб олинг.
4. Маҳсулотларга туз ва ўсимлик ёғи солиб аралаштиринг.

Керакли маҳсулотлар:

• картошка — 5 та;
• тухум — 1 та;
• петрушка — 1 боғ;
• маринадланган майда бодринг — 8 та;
• асал — 0,5 чой қошиқ;
• сирка — 1 ош қошиқ;
• хантал — 1 ош қошиқ;
• зайтун ёғи;
• туз, қизил қалампир.

1. Идишга сирка, асал, қизил қалампир, туз, хантални солиб, зайтун ёғи қўшиб аралаштирамиз.
2. Қайнатилган картошка ва бодрингни куб шаклида тўғраб, идишга қўшамиз.
3. Тухумни ҳам қайнатиб, петрушкани майда тўғраб, барча маҳсулотларни аралаштирамиз.