Омурайсу − японча товуқли таом рецепти

Японларнинг мазкур таоми ташқи кўринишидан оддий бўлса-да, аммо маҳсулотлар уйғунликда ажойиб таъмни ҳосил қилади.

Керакли маҳсулотлар:

• гуруч − 270 грамм;
• пиёз − 1/2 дона;
• булғор қалампири − 1 дона;
• қўзиқорин − 4 дона;
• товуқ филеси − 220 грамм;
• ўсимлик ёғи − 3 ош қошиқ;
• тухум − 8 дона;
• кетчуп;
• туз ва зираворлар.

1. Гуруч қайнатиб олинади.
2. Пиёз ва булғор қалампири тўтрбурчак шаклда тўғралади. Қўзиқоринлар ҳам ингичка кесиб олинади.
3. Товуқ филеси ҳам тўртбурчак шаклда тўғралади. Ўсимлик ёғида қизаргунга қадар қовурилади.
4. Устидан тўғралган сабзавотлар қўшилади ва 3-4 дақиқа қовурилади.
5. Сўнгра гуруч, туз ва зираворлар солиниб, 2-3 дақиқа пиширилади.
6. Тайёр бўлган начинка бироз совигандан сўнг кетчуп билан аралаштирилади.
7. Кичик идишда 2 дона тухум бир чимдим туз билан аралаштирилади.
8. Қизитилган товага бироз ёғ қуйиб, тухум солинади.
9. Тухум четлари пишгач, марказига начинка солинади ва омлетнинг чет қисмлари билан ёпилади. Иш жараёни шу тарзда давом этади.
10. Таомга кетчуп билан безак бериш мумкин.