Rediskadan tayyorlanuvchi 5 xil bahoriy salat retsepti

Erta bahorda rediskaga ko‘katlar qo‘shib, okroshka tayyorlashni deyarli hamma biladi. Quyidagi salatlar ham rediskadan tayyorlanib, ajoyib ta’mi bilan sizga manzur bo‘ladi.

Kartoshkali salat

Kerakli mahsulotlar:

• rediska — 1 bog‘lam;
• kartoshka — 1-2 kg;
• shivit — 1 bog‘lam.

Sous uchun:

• zaytun yog‘i — 3 osh qoshiq;
• limon sharbati — 1 osh qoshiq;
• xantal — 1 osh qoshiq;
• tuz, ziravorlar.

Tayyorlanish jarayoni: 

1. kartoshkani qaynatib, parrak qilib to‘g‘rang;
2. rediskani ham tozalab, aylana shaklida to‘g‘rang;
3. idishda zaytun yog‘i, limon sharbati, xantal, tuz va ziravorlarni aralashtirib oling. So‘ngra aralashmaga kartoshka va rediskani qo‘shing.

Brinzali salat

Kerakli mahsulotlar:

• rediska — 1 bog‘lam;
• salat bargi — 1 bog‘;
• qizil piyoz — 1-2 ta;
• selderey — 1-2 ta shox;
• brinza — 150 gramm.

Sous uchun:

• zaytun yog‘i — 3 osh qoshiq;
• xushbo‘y sirka — 1 osh qoshiq;
• asal — 1 osh qoshiq;
• tuz, ziravorlar.

Tayyorlanish jarayoni: 

1. rediska, selderey va salat bargini tozalab, to‘g‘rab oling;
2. sous mahsulotlarini aralashtirib, unga to‘g‘ralgan rediska, selderey va salat bargini qo‘shing;
3. songra aralashmaga maydalangan brinzani ham soling.

Smetanali salat

Kerakli mahsulotlar:

• rediska — 1 bog‘lam;
• tuzlangan bodring — 2 ta;
• tuxum — 3 ta;
• ko‘k piyoz— 1 bog‘;
• shivit — 1 bog‘;
• smetana ta’bga ko‘ra
• tuz, ziravorlar.

Tayyorlanish jarayoni: 

1. rediska va tuzlangan bodringni tozalab, mayda to‘g‘rab oling;
2. tuxum, ko‘k piyoz va shivitni ham tog‘rang;
3. to‘g‘ralgan mahsulotlarni idishga solib, smetana, tuz va ziravorlar qo‘shib, aralashtiring.

Qisqichbaqali salat

Kerakli mahsulotlar:

• rediska — 2 ta;
• oq guruch — 200 g;
• qisqichbaqa tayoqchalari — 200 g;
• konservalangan makkajo‘xori — 1 banka;
• mayonez— 50 g;
• bodring — 1 ta;
• tuxum — 2 ta
• tuz;
• limon sharbati— ta’bga ko‘ra.

Tayyorlanish jarayoni: 

1. tuxum va guruchni alohida idishda qanatib oling;
2. sabzavotlarni mayda, qisqichbaqa tayoqchalarini esa somoncha yoki kub shaklida to‘g‘rang;
3. barcha mahsulotlarni idishg asolib, tuz, mayonez va limon sharbati qo‘shib aralashtiring.

Olmali salat

Kerakli mahsulotlar:

• rediska — 400 gramm;
• selderey — 2-3 ta shox;
• yashil olma — 1 ta;
• salat bargi — 1 bog‘;
• yalpiz, shovul — ta’bga ko‘ra.

Sous uchun:

• mango — 1-2 ta;
• zaytun yog‘i — 40 gramm;
• tuz, ziravorlar.

Tayyorlanish jarayoni: 

1. rediskani aylana, olmani kub shaklida, seldereyni mayda qilib to‘g‘rang;
2. shovul va salat bargini qo‘lda maydalab, idishga soling;
3. mangoni blenderda ezin, zaytun yog‘i, tuz va ziravorlar qo‘shib, to‘g‘ralgan mahsulotlarga aralashtiring.

Yoqimli ishtaha! Mavzuga doir: 

• Qizil lavlagidan tez tayyor bo‘ladigan 5 ta mazali salat retsepti
• Taomnomani yangilaymiz: makarondan 5 xil antiqa taom retsepti
• Bahor mavsumida iste’mol qilish tavsiya etiladigan 5 ta mahsulot
• Rediska, pishloq va tuxumdan bahoriy salat tayyorlaymiz