Японлар энг тежамкор автомобиллар рейтингини эълон қилди

Япония Ер, инфратузилма, транспорт ва туризм вазирлиги энг тежамкор автомобиллар рейтингини эълон қилди, деб хабар беради «Korrespondent.net».

Мазкур рўйхат ҳар йили тузилади. Уни тузишда автомобилларга сертификация жараёнида бериладиган транспорт воситаларининг техник тавсифи ва ўлчамлари таҳлил қилинади.

Асосий кўрсаткич сифатида ёқилғи самарадорлиги — бир литр ёқилғида автомобиль босиб ўтиши мумкин бўлган масофа инобатга олинади. Машинанинг ушбу жиҳати фойдаланувчиларнинг энергия тежамкорлигига бўлган қизиқишини оширади.

Бу сафарги рейтингдан 2020 йил охири — 2021 йил бошида ишлаб чиқарилган автомобиллар ўрин олган. Япония вазирлиги иккита рейтинг рўйхатини тақдим этган — анъанавий машиналар ва кей-карлар учун.

Япония бозоридаги энг тежамкор автомобиллар:

• Toyota Yaris — 36 километр/литр;
• Toyota Prius — 32,1 километр/литр;
• Toyota Yaris Cross — 30,8 километр/литр;
• Toyota Corolla Sport — 30,0 километр/литр;
• Toyota Aqua — 29,8 километр/литр;
• Nissan Note — 29,5 километр/литр;
• Honda Fit — 29,4 километр/литр;
• Toyota Corolla — 29,0 километр/литр;
• Toyota Corolla Touring — 29,0 километр/литр;
• Honda Insight — 28,4 километр/литр.

Энг тежамкор кей-карлар:

• Suzuki Аltо — 25,8 километр/литр;
• Mazda Cаrol — 25,8 километр/литр;
• Suzuki Wаgon R — 25,2 километр/литр;
• Mazda Flair — 25,2 километр/литр;
• Suzuki Аlto Lapin — 25,2 километр/литр;
• Daihatsu Mira e:S — 25,0 километр/литр;
• Subaru Pleo Plus — 25,0 километр/литр;
• Toyota Pixis Epoch — 25,0 километр/литр;
• Suzuki Hustler — 25,0 километр/литр;
• Mazda Flair Crossover — 25,0 километр/литр.

Аввалроқ J.D. Power консалтинг агентлиги минилган машиналар эгалари ўртасида ҳар йилги сўровномасини ўтказиб, дунёдаги энг ишончли уч йиллик автомобиллар рейтингини тақдим этганди.