Американинг Moments in Time аукционида Chevrolet Suburban’нинг ғилдираклар дискаси учун мўлжалланган пластик «колпаги» 150 минг долларга сотилмоқда. Автомобиль элементининг бу қадар қимматлигига у Notorius B.I.G. тахаллуси билан танилган машҳур мусиқачи Кристофер Уоллес отиб кетилган машинада бўлгани билан изоҳланмоқда, деб хабар беради Motor.
1997 йилда америкалик реп-қўшиқчи Notorius B.I.G. Лос-Анжелес кўчалари бўйлаб ижарага олинган Chevrolet Suburban’да ҳаракатланаётган бўлган. Мусиқачининг йўлтанламаси чорраҳалардан бирида тўхтаганида унинг ёнига бошқа бир автомобиль яқинлашиб келган ва машина ичидагилар ўқ уза бошлаган. Ҳужум оқибатида Кристофер Уоллес қаттиқ жароҳат олиб, вафот этган. Жиноятчилар ҳозирга қадар топилмаган.
Сотувчининг сўзларига кўра, мазкур фожиадан сўнг, Suburban’нинг ғилдирак дискаларидан Тhink B.I.G. Маrch 25 1997 ёзувли ёрлиқ ёпиштирилган пластик қопқоқлар ечиб олинган. Шу орқали ҳип-ҳоп қўшиқчи уч ҳафтадан кейин тақдим этилиши керак бўлган ўзининг янги Life After Death альбомининг пиар-акциясини ўтказиб келган. Сотувга қўйилган қопқоқда ёрлиқнинг бир қисми сақланиб қолган.
Сотувчи пластик деталь учун 150 минг доллар сўрамоқда. Бу пулга янги Mercedes-Benz S-Class харид қилиш мумкин.
Аввалроқ АҚШда ноёб Lamborghini Countach 425 минг доллар нархида сотувга қўйилгани тўғрисида хабар берилганди.
Изоҳ (0)