Президент Шавкат Мирзиёев 1 апрель куни бўлиб ўтган видеоселектор йиғилишида соғлиқни сақлаш соҳасидаги коррупция ҳолатларига тўхталиб ўтди, деб хабар бермоқда «Gazeta.uz».
Давлат раҳбарининг сўзларига кўра, 2020 йилда соғлиқни сақлаш тизимида 30 миллиард сўмдан ортиқ маблағ талон-торож қилинган. Хусусан, Республика ихтисослаштирилган онкология ва радиология илмий-амалий тиббиёт марказининг Тошкент филиалида 828 миллион сўм (аввалроқ прокуратура томонидан ушбу ҳолат бўйича жиноий иш қўзғатилган), Тошкент педиатрия институти клиникасида 423 миллион сўм талон-торож қилинган.
Бундан ташқари, Президент Жондор тумани тиббиёт бирлашмаси раҳбари 1 миллиард сўмдан ортиқ маблағни ноқонуний сарфлаганини маълум қилган. «Ҳар бир вилоят, туман ва шаҳарлар кесимида бундай мисоллар жуда кўп», — деб таъкидлаган у.Бош прокурорнинг биринчи ўринбосари Баҳриддин Валиевга соғлиқни сақлаш соҳасида «қонун устуворлиги ва жазонинг муқаррарлиги»ни таъминлаш устидан самарали назорат қилиш жавобгарлиги юклатилди.
Шавкат Мирзиёев, шунингдек, ажратилаётган маблағлар жойига етиб бориши, дори-дармон ва тиббиёт ускуналарининг очиқ-ошкора сотиб олиниши, пуллик хизматлардан тушумлар мақсадли ишлатилишини таъминлаш бўйича таъсирчан назорат тизимини ўрнатиш бўйича кўрсатмалар берган.
«Одамларнинг кўзларида нафрат. Улар давлат органлари юқори сифатли бепул даволанишни ташкил қила олмасликларидан норози», — деган давлат раҳбари.
Мавзуга доир:
- «Барча беморларни пойтахтга жўнатиш керак эмас» — Шавкат Мирзиёев
- «Ҳар бир вилоятда дори-дармонларнинг нархи ошиб кетмаслиги учун ўзининг 3-6 ойлик захираси бўлиши керак» – Шавкат Мирзиёев
- «10 минг нафар тор доирадаги мутахассислар бизда етишмайди». Шавкат Мирзиёев келгуси ўқув йилидан клиник ординатуранинг қабул квотасини икки баробар оширишга топшириқ берди
Изоҳ (0)