Prezident Shavkat Mirziyoyev 1-aprel kuni bo‘lib o‘tgan videoselektor yig‘ilishida sog‘liqni saqlash sohasidagi korrupsiya holatlariga to‘xtalib o‘tdi, deb xabar bermoqda “Gazeta.uz”.
Davlat rahbarining so‘zlariga ko‘ra, 2020-yilda sog‘liqni saqlash tizimida 30 milliard so‘mdan ortiq mablag‘ talon-toroj qilingan. Xususan, Respublika ixtisoslashtirilgan onkologiya va radiologiya ilmiy-amaliy tibbiyot markazining Toshkent filialida 828 million so‘m (avvalroq prokuratura tomonidan ushbu holat bo‘yicha jinoiy ish qo‘zg‘atilgan), Toshkent pediatriya instituti klinikasida 423 million so‘m talon-toroj qilingan.
Bundan tashqari, Prezident Jondor tumani tibbiyot birlashmasi rahbari 1 milliard so‘mdan ortiq mablag‘ni noqonuniy sarflaganini ma’lum qilgan. “Har bir viloyat, tuman va shaharlar kesimida bunday misollar juda ko‘p”, — deb ta’kidlagan u.Bosh prokurorning birinchi o‘rinbosari Bahriddin Valiyevga sog‘liqni saqlash sohasida “qonun ustuvorligi va jazoning muqarrarligi”ni ta’minlash ustidan samarali nazorat qilish javobgarligi yuklatildi.
Shavkat Mirziyoyev, shuningdek, ajratilayotgan mablag‘lar joyiga yetib borishi, dori-darmon va tibbiyot uskunalarining ochiq-oshkora sotib olinishi, pullik xizmatlardan tushumlar maqsadli ishlatilishini ta’minlash bo‘yicha ta’sirchan nazorat tizimini o‘rnatish bo‘yicha ko‘rsatmalar bergan.
“Odamlarning ko‘zlarida nafrat. Ular davlat organlari yuqori sifatli bepul davolanishni tashkil qila olmasliklaridan norozi”, — degan davlat rahbari.
Mavzuga doir:
- “Barcha bemorlarni poytaxtga jo‘natish kerak emas” — Shavkat Mirziyoyev
- “Har bir viloyatda dori-darmonlarning narxi oshib ketmasligi uchun o‘zining 3-6 oylik zaxirasi bo‘lishi kerak” – Shavkat Mirziyoyev
- “10 ming nafar tor doiradagi mutaxassislar bizda yetishmaydi”. Shavkat Mirziyoyev kelgusi o‘quv yilidan klinik ordinaturaning qabul kvotasini ikki barobar oshirishga topshiriq berdi
Izoh (0)