Мўйноқ туманининг «Арал» МФЙ ҳудудида қурилган 17-сонли мактабгача таълим ташкилоти фаолият бошлади. Бу ҳақда «Дарё» мухбири хабар бермоқда.
Мактабгача таълим вазирлиги томонидан Қорақалпоғистонга ташкил этилган пресс-тур мобайнида очилган мазкур боғча 100 ўринга мўлжалланган бўлиб, унинг қурилиши ва жиҳозлари учун жами 3,5 миллиард сўм маблағ сарфланган.
Таъкидланишича, инвестиция дастури асосида барпо этилган ушбу янги боғчада «темир дафтар» ва «аёллар дафтари»га киритилган хотин-қизларнинг 32 нафари иш билан таъминланган.
«Мазкур МТТ қурилишида ҳам сифатга алоҳида эътибор қаратилди. Бинодаги барча жиҳозлар давлат инвестиция дастури доирасида қилинган. Стол, стул, шкаф, ётоқ жиҳозларининг ҳаммаси экологик тоза маҳсулотлардан қилинишига алоҳида аҳамият берилган», — деди Қорақалпоғистон мактабгача таълим вазири Жумагул Уснатдинова.
Жумагул Уснатдинованинг қайд этишича, бугунги кунда Мўйноқ туманида 27 та мактабгача таълим ташкилоти мавжуд бўлиб, улардан 17 таси давлат, 8 таси оилавий ва 2 таси нодавлат таълим ташкилоти ҳисобланади. Мўйноқ ҳудудида 3 ёшдан 7 ёшгача бўлган болалар сони 2 минг 403 нафар бўлиб, улардан 2 минг 348 нафари боғчага қамраб олинган.
Мавзуга доир:
- Қорақалпоғистонда боғча тарбиячилари автомобиль йўлини тўсиб қўйди. Бунга қонунбузарликда гумонланган мудиранинг ишга қайта тикланиши сабаб бўлган
- Отабек Шукуров ҳомийлигида Қаршида ярим млн долларлик болалар боғчаси очилди
- «Ходимларга интизомий чора кўрилади». Шовотда туман ҳокими иштирокидаги тадбирда юпун кийинган боғча тарбияланувчиларига оид ҳолатга изоҳ берилди
Изоҳ (0)