«Реал» ҳимоячиси Серхио Рамос яна жароҳат олди. Бу ҳақда мадридликлар клуби матбуот хизмати маълум қилди.
Мадридликлар матбуот хизматининг хабар қилишича, 35 ёшли футболчи болдир мушакларини шикастлаб олган.
Журналист Хосе Луис Санчесга кўра, ҳимоячи бир ой майдонга туша олмайди.
Эслатиб ўтамиз, Рамос январь ойида жиддий жароҳат олган ва февралда операция қилинганди. Мазкур жароҳатдан эса март ойида халос бўлганди.
Шу тариқа Рамос Чемпионлар Лигаси ¼ финали доирасида «Ливерпуль»га қарши кечадиган икки ўйинни ҳам ўтказиб юборади. Шунингдек, у «Барселона» билан бўладиган 10 апрель кунги баҳсда ҳам жамоасига ёрдам бера олмайди.
Рамос Ла Лига 2020/21 йилги мавсумида 15 та ўйин ўтказиб, иккита гол урди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)