Ўзбекистон миллий телерадиокомпанияси (МТРК) футбол бўйича Европа Чемпионлар Лигаси, Европа Лигаси, Конференциялар Лигаси, УЕФА Суперкубоги, УЕФА ёшлар Лигаси каби мусобақаларни 2021/22 йилги мавсумдан бошлаб Ўзбекистон ҳудудида эфирга узатиш ҳуқуқини сотиб олди.
Бу ҳақда «Спорт» телеканали директори Зоҳид Каримов ўзининг Twitter саҳифасида расман маълум қилди. Функционер бу 1 апрель ҳазили эмаслигини алоҳида таъкидлаган.
«Дарё» бу масалага аниқлик киритиш учун Зоҳид Каримов билан боғланди. Телеканал директори бу маълумот тўғри эканлигини расман тасдиқлади.
Эслатиб ўтамиз, сўнгги мавсумлар давомида УЕФА таснифидаги мусобақалар Ўзбекистонда фақат UzReport ва Futbol-TV телеканаллари томонидан эфирга узатилаётганди. Таҳририят манбаларининг тасдиқлашича, UzReport 2021/22 йилги мавсум учун Чемпионлар Лигаси ва Европа Лигаси трансляция ҳуқуқини сотиб олмаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)