Қирғизистон парламенти мамлакат Олий суди раиси Гулбар Калиевани муддатидан олдин ишдан бўшатиш тўғрисида қарор қабул қилди. Бу ҳақда мамлакат қонун чиқарувчи органи матбуот хизматига таяниб «ТАСС» хабар берди.
«Бугун ўтказилган йиғилишда депутатлар Олий суд раисининг ваколатларини тўхтатиб туриш тўғрисида қарор қабул қилди», — деди матбуот хизмати вакили 31 март куни. Унинг сўзларига кўра, ушбу таклиф парламентга мамлакат президенти Садир Жапаров томонидан киритилган.
Мавзуга доир: Қирғизистонлик оқин президент Сўранбай Жээнбековга коррупция ҳақида қўшиқ куйлаб берди (видео)
Қирғизистон қонунларига кўра, Олий суд раиси парламент томонидан уч йилга сайланади ва расмий вазифаларини бажариш пайтида жавобгарликка тортилиши мумкин эмас. Калиева 2018 йил 22 сентябрда Олий суднинг бош судьяси бўлиб иш бошлаган эди.
Аввалроқ Бишкекнинг собиқ мэри Албек Ибраимовга қарши коррупцияга боғлиқ бўлган ҳолатлар бўйича яна бир жиноий иш қўзғатилган эди. Назорат қилувчи органнинг сўзларига кўра, Ибраимов Бишкек мэри ва Манас халқаро аэропорти директорлар кенгаши раиси бўлганида Туркиянинг «Гата ҳаво йўллари ва транспорт» компанияси ва халқаро аэропортнинг баъзи расмийларига ноқонуний имтиёзлар бериш орқали фойда олишни кўзлаган.
Изоҳ (0)