Баҳорий таомнома: гулкарамдан тез тайёр бўлувчи мазали егуликлар

Витаминларга бой гулкарамни кўпчилик севиб истеъмол қилади. Айни баҳор мавсумида гулкарамдан тайёрланувчи ҳазми енгил ва парҳезбоп таомларни тавсия этамиз.

Гулкарамли пицца

Керакли маҳсулотлар:

• гулкарам — 1 бош;
• ун — 1-2 ош қошиқ;
• тухум — 1 та;
• пишлоқ — 150 грамм;
• саримсоқ — 1 дона;
• моцарелла пишлоқли шарчалари — 10-12 та;
• черри помидори — 10-12 та;
• ўсимлик ёғи;
• туз.

1. Гулкарамни тузли сувда 10 дақиқа қайнатинг. Кейин блендерда эзиб, унга тухум. Қирғичдан ўтказилган пишлоқ, саримсоқ, ун ва ўсимлик ёғи қўшиб, яхшилаб аралаштиринг.
2.  Массани печ патнисига жойлаб, 220 даражада қиздирилган печга 15 дақиқага қўйинг.
3. Пицца устини черри помидорлари ва моцарелла пишлоқли шарчалари билан безанг ва яна 5 дақиқага печда пиширинг.

Керакли маҳсулотлар:

• гулкарам — 1 бош;
• ун — 50 грамм;
• тухум — 2 та;
• пишлоқ — 70 грамм;
• ўсимлик ёғи;
• сметана;
• кўкатлар;
• туз.

1. Гулкарамни тузли сувда 5-7 дақиқа қайнатинг. Кейин блендерда эзиб, унга тухум, қирғичдан ўтказилган пишлоқ, ун ва туз қўшинг.
2. Яхшилаб аралаштириб, қизиган товада икки томонини қизартириб қовуриб олинг.
3. Дастурхонга сметана ва кўкатлар билан бирга тортинг.

Керакли маҳсулотлар:

• гулкарам — 1 бош;
• тофу — 1 ош қошиқ;
• ўсимлик ёғи;
• туз, зираворлар.

1. Гулкарамни ўсимлик ёғида ярим тайёр ҳолда қовуриб олинг.
2. Кейин уни алоҳида идишга олиб, устига пишлоқ, туз, зираворлар сепинг.
3. 180-200 даражали печда 15 дақиқа пиширинг.

Керакли маҳсулотлар:

• гулкарам — 750 грамм;
• кунжут пастаси (тахини) — 3 ош қоши;
• лимон шарбати — 0,5 чой қошиқ;
• асал — 1 чой қошиқ;
• иссиқ сув — 2,5 ош қошиқ;
• майдаланган гармдори — бир чимдим;
• кунжут — 2 ош қошиқ;
• кинза;
• туз.

1. Катта идишдаги сув қайнагач, унга гулкарамни солиб, 3 дақиқа давомида пиширинг.
2. Бошқа идишда кунжут пастаси, лимон шарбати, асал, гармдори мурч, туз ва сувни яхшилаб аралаштиринг.
3. Пишган гулкарамни аралашмага ботириб, устига тўғралган кинза ва кунжут сепинг.