Гуруч ва тухумдан такрорланмас таъмга эга пирожки тайёрланг

Хамири юмшоқ мазали пирожкилар тушлик вақтида янада иштаҳани очиб юбориши табиий.

Керакли маҳсулотлар:

• гуруч – 200 грамм;
• тухум  – 3 дона;
• кўк пиёз – 1 боғлам;

• кефир – 200 мл;
• сметана – 1 ош қошиқ;
• тухум – 1 дона;
• шакар  – 1 ош қошиқ;
• ўсимлик мойи – 2ош қошиқ;
• ичимлик содаси – 1/2 чой қошиқ;
• ун – 400-450 грамм;
• туз ва зираворлар.

1. Гуруч ва тухум пишириб олинади.
2. Қайнатилган гуруч тўғралган тухум ва кўк пиёз билан аралаштирилади. Туз ва зираворлар сепилади.
3. Хамир учун кефир, сметана, тухум, шакар ва туз идишга солиб, аралаштирилади.
4. Устидан бир ош қошиқ ёғ ва уннинг ярми солинади. Ичимлик содаси билан аралаштирилади.
5. Уннинг қолган ярми ҳам солиниб, хамир қорилади. Хамир юмшоқ бўлиши учун яна бир ош қошиқ ёғ қуйилади.
6. Хамир қўлга ёпишиб қолмайдиган даражада юмшоқ бўлиши керак. 15-20 дақиқага хона ҳароратида тиндиришга қўйилади.
7. Хамир бўлакларга бўлиниб, бироз ёйилади. Ичи начинка билан тўлдирилади.
8. Ўртача оловда қизиган ёғда пирожкиларнинг икки томони ҳам қизартириб пишириб олинади.