Костюм-шим − замонавий аёллар гардеробининг ажралмас қисмидир. Ундан кундалик иш учун унумли фойдаланиш ҳам мумкин. Бу қулайлик ва ташқи кўринишни хилма-хил қилишга ёрдам беради.
Костюм-шимни оқ кўйлак билан кийиш офис ва бошқа жойлар учун ҳам мукаммал образ. Оқ кўйлак − қатъий, нозик ранг ва бир қанча услубга мос келувчи кўп қиррали либосдир. Костюм-шимни нима билан кийишга иккиланганда ҳамиша оқ кўйлак ёрдамга келади.
Бир вақтлар костюм билан футболка комбинацияси ғалати туйилар эди. Кроссовкани-ку айтмаса ҳам бўлади. Аммо бугунги кунда мода оламида юз бераётган ўзгаришлар туфайли костюм шим учун ҳеч қандай безакциз футболка ва бежириб кроссовкани тавсия этиш мумкин.
Свитер билан ҳам мослаш мумкин бўлган костюм-шим моделлари талайгина. Бунда свитернинг қандай рангда бўлиши аҳамиятсиз. Кимдир фақат оқ ва қора рангдангина фойдаланади. Аммо костюмга қарама-қарши рангда бўлган свитер образни янада мукаммаллаштиради.
Жиддий костюмлар билан бойитилган тўр ва турли нафис матодан тикилган кофталар аёлга янада нафислик бахш этади. Ушбу кўринишда офис ёки бошқа учрашувларга ҳам ташриф буюриш мумкин.
Бироз иссиқ мавсум учун костюм ичидан нозик енгсиз кофта ҳам кийиш мумкин. Шунингдек, комбинация учун мўлжалланган оёқ кийимлар ҳам тепа қисм ва об-ҳавога мос бўлиши керак.
Ушбу мавсумда дизайнерлар уч қисмдан иборат костюм-шимни кўпроқ тавсия қилмоқда. Сабаби ушбу тўплам учун бирор қўшимча либос танлаш шарт эмас. Шунчаки мос пойабзал ҳамда аксессуар танлаш кифоя.
Мавзуга доир:
- Фото: Блузка ва кофталарни қандай кийиш кераклиги борасида Селин Дионнинг образларидан илҳомланамиз
- Фото: Ҳамма нарса билан мослаш мумкин бўлган универсал кўйлаклар юлдузлар мисолида
- Баҳор кайфиятини улашувчи, гулли кўйлаклар яна урфда (фото)
- Чек қўямиз: кийимларнинг ранги борасида йўл қўйиладиган қўпол хатолар (фото)
- Тўла аёлларга ўзгача имиж яратишга ёрдам берувчи мода блоглари (фото)
Изоҳ (0)