Bugun,

  • USD 11095.31
  • RUB 173.84
  • EUR 10772.44

Odatda bir necha xil rangdagi kiyimlarni kombinatsiyalashgan holda ko‘rish mumkin. Ammo uning ham o‘ziga yarasha qonun-qoidalari bor. Ularga amal qilinsa, hech qanday qiyinchilik yuz bermasligi, shubhasiz.

Foto: Cosmopolitan

Foto: Cosmopolitan

Garderobda eng ko‘p qora va oq rangdagi liboslar bo‘lishi tabiiy. Lekin ertami yo kech bu kabi bir xillikdan har qanday inson ham charchaydi. Ular yangi yoki urfda bo‘lmasin, hech narsani o‘zgartirmaydi. Agar yangi obraz yaratishda yorqin rangli kiyim kiyishga darhol jur’at yetmasa, unda bu ishni aksessuarlardan boshlash tavsiya etiladi.

Foto: Cosmopolitan

Foto: Cosmopolitan

Murakkab tasvirga ega liboslar ham ma’lum bir ma’noda mantiqqa ega. Ranglar bir-birini boyitadi. Kiyilgan kiyimlar kombinatsiyasi uyg‘un bo‘lib chiqishi uchun avvalroq o‘ylab va sinab ko‘rish kerak. Ishga yoki boshqa uchrashuvga 5 daqiqa qolganda kiyimlar o‘rtasidagi ranglarni birlashtirish muvaffaqiyatli kechmasligi mumkin.

Foto: Cosmopolitan

Foto: Cosmopolitan

Shuningdek, kiyimlarda tasvirlangan ranglar nafaqat bir-biriga, balki uning egasiga ham monand bo‘lishi zarur. Ranglar odatda qomatni ta’kidlashi, nuqsonlarni yashirishga xizmat qilishi kerak. Ammo yuqoridagi suratda sviterning yelka qismidagi ko‘k rang ayolning yelkasini ancha kengaytirib, qizil paypoq esa oyoqlarni vizual tarzda qisqartirgan. Shuning uchun ham ranglar nimalarga qodir ekanligini avval yaxshilab o‘rganib chiqish kerak.

Foto: Cosmopolitan

Foto: Cosmopolitan

Odatda kofta va poyabzal yoki yubka va sumka rangini moslashtirish odatga aylangan. Biroq doim ham bunga amal qilishning hojati yo‘q. Sababi shu tarzda imkoniyat sezilarli darajada cheklanishi mumkin. Yangilik olib kirishdan qo‘rqmaslik hamda turli xil tasvirlarni sinab ko‘rish tavsiya etiladi.

Foto: Cosmopolitan

Foto: Cosmopolitan

Kiyimlar rangi bir-biridan tashqari, mato turlariga ham mos kelishi muhimdir. Ko‘pincha ayollar buni hisobga olmagani uchun ham obrazda kamchiliklarga yo‘l qo‘yadi. Garchi ranglar uyg‘unlikda bo‘lsa-da, matolar bir-birini boyitmasa, umumiy tasvir tugal bo‘lmaydi.

Foto: Cosmopolitan

Foto: Cosmopolitan

Obraz yaratishda ayollarning eng katta muammosi – bu kulgili ko‘rinishdan qo‘rqishdir. Shuning uchun ular mustaqil holatda rang bilan ishlashdan qo‘rqadi va doimiy an’analarga amal qiladi. Odatiy kombinatsiyalarni afzal biladi. Doimiy qora va oq yoki ko‘zga tashlanmaydigan klassik ranglardagi kiyimlar garderobdan joy oladi. Yuqoridagi tavsiyalarni inobatga olgan holda rang borasida yangilik yaratishga urinib ko‘rish lozim.

Izoh
Asosiy yangiliklar
Moliya
O‘zbekistondagi eng faol banklar reytingi yangilandi. Nimalar o‘zgardi?
Mahalliy
Davletmurat Tajimuratov 16 yilga qamaldi, jurnalist Lolagul Qallixanova sud zalidan ozod qilindi 
Sport
Figurali uchish bo‘yicha O‘zbekistonning 10 karra chempioni Tatyana Malininaning 18 yoshli o‘g‘li AQSH chempioniga aylandi