Дид билан кийинадиган дунёнинг энг гўзал маликалари (фото)

Қуйидаги қироллик вакилалари нафақат жамият ҳаётидаги фаол иштироки билан, балки кийиниш борасидаги нозик диди билан ҳам диққат-эътибор марказида бўлади.

Кембриж герцогиняси Кетрин

Кетрин қироллик оиласи орасида дид билан кийинадиган Кембриж герцогиняси севимли кўйлакларини бемалол бир неча марта кийиши мумкин. Чунки у ҳукумат бюджетини ҳар қандай ҳашаматли бренд кийимлардан устун қўяди. Агар сиз smart casual ва оқилона харидларни ёқтирсангиз, Кетрин услуби сиз учун ҳақиқий илҳом манбайи бўла олади.

Малика Сириваннавари

Таиланд қиролининг набираси тенденциялар кетидан қувмайди, уларни ўзи яратади. Болалигиданоқ модани яхши кўрадиган Сириваннавари бутун ҳаётини шу соҳа билан боғлашга қарор қилган. Малика дизайнерликка ўқиб, Dior ва Armani сингари таниқли мода уйларида амалиёт ҳам ўтаган. Кейинчалик у Таиландда ўзининг номи билан аталадиган ўз брендини яратди.

Княгиня Шарлин

Монако князининг рафиқаси бўлганидан сўнг Шарлин Уиттсток кийиниши борасида бир зумда ўз мухлисларига эга бўлди ва мода иконасига айланди. У чиндан ҳам бу номга лойиқ: Шарлин ҳашаматли, шоҳона безакларсиз замонавий ва ихчам либосларни уйғунлаштирган ҳолда дид билан кийинади.

Қиролича Рания

Қиролича Рания нафақат ўзининг фаол инсонпарварлик ишлари, балки ҳар қандай вазиятда ва ҳар қандай кийимда муносиб кўринадиган қобилияти учун ҳам таҳсинга лойиқ. Иш кунлари Иордания қироличаси қулай жинси ва блузкаларни афзал кўради, аммо расмий зиёфатлар учун ҳашаматли дизайнерлик либосларида кўриниш беради. Айтганча, Раниянинг энг севимли дизайнерларидан бири бу Giorgio Armani бўлиб, у бир неча бор маликани ўзининг илҳом париси деб атаган.

Қиролича Максима

Нидерландия қиролининг рафиқаси Аргентинада туғилган. Шу сабабли у энг классик кўринишни ҳам катта ва кўзга ташланадиган заргарлик буюмлари ёки аксессуарлар билан муваффақиятли уйғунлаштира олади. Қиролича Максима ҳам Кембриж герцогиняси каби қироллик оиласининг кийиниш услубига қўйиладиган қатъий талабларга нисбатан анча эътиборсиз ва мунтазам равишда ўзининг севимли кийимларида бир неча бор намоён бўлишдан уялмайди.

Малика Шарлотта

Монако маликаси Шарлотта Касираги ўзига хос услуби билан доимий равишда машҳур журналлар саҳифаларини безайди. Шарлотта замонавий кийиниши билан неча бор таниқли брендларнинг юзига айланган.

Малика Дина

Бир неча йил олдин Саудия Арабистони маликаси ўзининг ноодатий кийиниши ва замонавий қисқа сочлари билан дунёнинг Fashion Week ҳафталигини забт этганди. Саудия Арабистони маликаси ўз ватанида ўзи асос солган машҳур бренд кийимлар тармоғининг эгаси ҳисобланади.

Қиролича Летисия

Қиролича Летисия турмушга чиққунга қадар журналист бўлиб ишлаган ва қиролича мақомига эришса-да, ўз услубига хос бўлган одми либосда юради.