Француз аёлларининг содда, аммо чиройли ҳамда замонавий кўринишининг сирини биласизми? Қуйида улар билан танишиш мумкин.
Соч турмаги
Силлиқ ва расмий соч турмаги франзсуз аёллари учун эмас. Бироз бетартиб ва тўлқинсимон кўринишдаги соч турмаги эса ҳозирда бутун дунё аёллари учун ҳам қулай, ҳам осон. Албатта, ушбу турмак мукаммал бўлмаса-да, сийрак сочлар учун ҳажм беради. Шунингдек, мазкур кўринишда ҳар қандай йиғилиш, учрашув ва ҳаттоки расмий мажлисларда ҳам иштирок этиш мумкин. Бундан ташқари, бу каби турмак узоқ вақт талаб этмайди. Шунчаки соч ювилганидан сўнг бироз қуритилган ҳолда ўриш ёки боғлам билан бураб чиқиш кифоя.
Аксессуар
Француз аёллари образ яратишда биринчи ўринга аксессуарларни қўяди. Ҳар қандай комбинацияни биргина деталь ёрдамида бутунлай бошқа кийимга айлантириш мумкин. Масалан, шляпа, сумка, шарф, белбоғ каби.
Гардероб таянчи
Француз аёллари гардеробининг ўзига хослиги шундаки, у ердан ҳамиша «таянч» бўлган либосларни топиш мумкин. Масалан, оддий қора классик шим, оқ кофта, ҳеч қандай аксессуарсиз либос ва пойабзал кабилар. Ушбу оддий ва содда либослар тиғиз вазиятда ёрдамга келиши аниқ. Улар макон ва замон танламайди ва шунинг учун ҳам гардеробдан асосий ўринни эгаллаган.
Логотипсиз либослар
Бренд либослар, улкан логотип туширилган кийим-кечаклар инсоннинг қайсидир маънода ҳашаматга ўчлигидан ҳам дарак беради. Шунингдек, дидни қимматбаҳо нарсалар билан адаштириш ҳақидаги тасаввурни уйғотади. Француз аёллари иложи борича либос танлашда логотипсиз кийимларга кўпроқ эътибор қаратади.
Қиммат замонавий дегани эмас
Француз аёллари фақатгина қимматбаҳо дўконлардан либос сотиб олишга интилмайди. Улар одатда эски ва қадимий услубларни яхши кўради. Аксарияти эса ўрта тоифадаги брендларни хуш кўради. Либос сифатидан ташқари унинг нархи қулай бўлишига ҳам эътибор қаратади.
Эркаклар услубидаги либослар
Француз хонимлари одатда аёлларга хос бўлмаган ва эркаклар услубига яқин комбинацияларни танлайди. Бу ҳар қандай француз хонимига жиддий ва жасур кўринишни ҳам бахш этади. Шунинг учун уларни оқ кўйлак ва қора шим уйғунлигида танланган либосларда тез-тез учратиш мумкин.
Қора рангдан қўрқмайди
Француз аёллари одатда нима кийишни билмаганида, қора рангни афзал кўради. Бу ҳам уларнинг навбатдаги ёрдамчи либоси ҳисобланади. Айримлар қора рангли либослардан бироз хавотир олади, аммо франзсуз хонимлари эмас.
Оддий макияж
Француз аёллари одатда макияжга узоқ вақт сарф этмайди. Улар шунчаки енгил пардоз билан ташқи кўринишини оғирлаштиришни истамайди. Улар одатда юзига намлантирувчи крем, кўзларининг четига бироз соя ҳамда лабларига озроқ урғу беради, холос. Шунингдек, ўта мукаммал макияж ҳам яратилган образга мос келмаслиги ва вазиятни янада чуқурлаштириши мумкин.
Замон билан ҳамнафас
Француз аёллари модага эргашади, аммо бир вақтнинг ўзида бир неча услубни ўзида мужассам этмайди. Бу нарса соч турмаги, макияж ва кийиниш борасида ҳам бир хил. Ҳар нарсани меъёрида қўллаш франзсуз аёлларидаги нафисликнинг энг катта сиридир.
Мавзуга доир:
Изоҳ (0)