Тошкентнинг Амир Темур кўчасида тўқнашган икки автомобиль ҳайдовчиларидан бири жароҳат олиб, шифохонага ётқизилди, дея хабар бермоқда шаҳар Ички ишлар бош бошқармаси.
Маълум қилинишича, 2021 йил 28 март куни тахминан соат 19:30 да Амир Темур кўчасида («Марварид» кафеси қаршисида) иккита транспорт воситаси – 32 ёшли Т.Р. бошқарувидаги Malibu ва 55 ёшли Й.Р. бошқарувидаги Lacetti автомобиллари тўқнашуви рўй берди. ЙТҲ сабабларига аниқлик киритилмоқда.
ЙТҲ оқибатида иккала ҳайдовчи, шунингдек, автомобиллардан бирининг йўловчиси – 41 ёшли К.Ш. турли даражадаги тан жароҳатлари билан шифохонага ётқизилди.
Мазкур ҳолат юзасидан терговга қадар текширув олиб борилмоқда.
Бундан аввал Сурхондарёда ҳайдовчининг ухлаб қолиши оқибатида Nexia бетон деворга урилиб, йўловчи вафот этгани, Тошкент—Ўш йўлида автокран ва учта енгил автомобиль иштирокида йирик ЙТҲ содир бўлгани ҳамда Наманганда 3 ёшли бола «Жигули» уриб кетиши оқибатида вафот этгани ҳақида хабар берилганди.
Изоҳ (0)