Навоийда уч нафар фуқаро иштирокидаги жанжалда улардан бири пичоқланди, дея хабар бермоқда Тергов департаменти.
Маълум қилинишича, 2021 йилнинг 25 март куни соат 02:30 ларда ака-ука 30 ёшли Ж.Н. ва 27 ёшли Ж.Н. Nexia автомашинасида Навоий шаҳар Ислом Каримов кўчасида жойлашган Амфитеатр мажмуаси қаршисидаги чорраҳада ҳаракатланиб кетаётганида улар билан ёнма-ён ҳаракатланиб кетаётган Malibu ҳайдовчиси 28 ёшли У.Х. билан бир-бирига «нега ўқрайиб қарайсан?» деб автомашиналарини чеккага тўхтатиб, ҳеч бир сабабсиз ўзаро жанжаллашган.
Оқибатда ака-укалар У.Х.нинг ўнг оёқ сон соҳасига пичоқча билан бир неча маротаба уриб, жароҳат етказган.
Мазкур ҳолат юзасидан Навоий шаҳри бўйича ИИО ФМБ ҳузуридаги тергов бўлими томонидан Ж.Н. ва Ж.Н.га нисбатан Жиноят кодексининг 277-моддаси 2-қисми «а, б, в» банди (безорилик, яъни бир гуруҳ шахслар томонидан совуқ қурол билан баданга ўртача оғир шикаст етказиш) билан жиноят иши қўзғатилиб, гумон қилинувчи тариқасида жалб қилинган.
Ҳозирда тергов ҳаракатлари олиб борилмоқда.
Бундан аввал Чироқчида фуқаро қўшниси билан бильярдхонада тортишиб қолиб, уни пичоқлаб ўлдиргани, Навоийда чиқинди йиғиш билан шуғулланувчи фуқаро шериги томонидан дўппослаб ўлдирилгани ҳамда Ургутда хотинини маст ҳолда бўғиб ўлдирган эркак 11 йилга қамалгани ҳақида хабар берилганди.
Изоҳ (0)