Сирдарё вилоятида икки юк машинаси иштирокида йўл-транспорт ҳодисаси содир бўлди, дея хабар қилмоқда ЙҲХББ.
Маълум қилинишича, 2021 йилнинг 27 март куни соат 13:30 ларда Сирдарё вилояти Сирдарё тумани ҳудудидан ўтган М-34 автомобиль йўлининг 84-километрида, ҳайдовчи, 1992 йилда туғилган С.Й. бошқарувидаги «Камаз-5410» ҳамда 1985 йилда туғилган З.Х. бошқарувида бўлган Mercedes-Benz русумли юк автомобиллари иштирокида тўқнашув содир бўлган.
Зарб оқибатида «Камаз-5410» русумли юк автомобили ағдарилган.
Тўқнашув натижасида тан жароҳати олганлар йўқ.
Мазкур ҳодиса юзасидан Сирдарё вилояти ИИБ ЙҲХБ томонидан суриштирув ҳаракатлари олиб борилиб, тўқнашув юзага келиш сабабларига ойдинлик киритиш ва ЙТҲ сабаб юзага келаётган тирбандликларни бартараф этиш чоралари кўрилмоқда.
Бундан аввал Самарқандда Mercedes-Benz юк машинаси ҳайдовчи бошқарувни йўқотиши оқибатида ағдарилгани, Сирдарёда метан заправкада турган Damas’нинг газ баллони портлаб кетгани ҳамда Қашқадарёда тўй куни куёвнинг отаси ва икки қариндоши ҳамда келиннинг холаси ЙТҲга учраб, ҳалок бўлгани ҳақида хабар берилганди.
Изоҳ (0)