Бугун,

  • USD 11095.31
  • RUB 173.84
  • EUR 10772.44

Лавлаги маҳсулотини кўпроқ истеъмол қилишда асосан улардан тайёрланган салатлар катта роль ўйнайди. Қуйидаги рецептлар ёрдамида мазали салатлар тайёрлаб, лавлаги истеъмолини йўлга қўйиш мумкин.

Фото: «Домашний очаг»

Фото: «Домашний очаг»

Олхўри ва лавлагидан витаминга бой салат

Керакли маҳсулотлар:

  • лавлаги − 2 дона;
  • ёнғоқ − бир ҳовуч;
  • олхўри − 5 дона;
  • ўсимлик ёғи − 1 ош қошиқ;
  • асал − 1 ош қошиқ;
  • кориандр кукуни − бир чимдим.
Тайёрланиш жараёни:
  1. Лавлаги фольга қоғозига ўралиб, печда пишириб олинади. Сўнга тўртбурчак шаклда тўғралади.
  2. Ёнғоқ майдаланиб, лавлагига қўшилади.
  3. Олхўри қайнаган сувда буғланади ва 10-15 дақиқага қолдирилади. Сўнгра кичик бўлакларга бўлинади.
  4. Лавлагили аралашмага солиниб, устидан кориандр кукуни, ёғ ва асал қуйиб, яхшилаб аралаштирилади.
Кўк пиёзли салат

Керакли маҳсулотлар:

  • сабзи − 2 дона;
  • карам − 300 грамм;
  • лавлаги − 1 дона;
  • кўк пиёз − бир боғлам;
  • саримсоқ − 1 дона;
  • бодринг − 1 дона;
  • бринза − бир қадоқ;
  • лимон − ярим бўлак;
  • асал − 2 ош қошиқ;
  • сметана − 1 ош қошиқ;
  • ўсимлик ёғи − 2 ош қошиқ;
  • туз ва зираворлар.
Тайёрланиш жараёни:
  1. Тўртбурчак шаклда тўғралган лавлаги қовуриб олинади.
  2. Кўкат, саримсоқ ва бодринг майда тўғралади.
  3. Бринза ҳам тўртбурчак шаклда тўгралганидан сўнг барча маҳсулот аралштирилади ва туз, зиравор, сметана ва асал қўшилади.
Лавлагили корейсча салат

Керакли маҳсулотлар:

  • лавлаги − 1 дона;
  • саримсоқ − 2 бўлак;
  • шакар − 1 чой қошиқ;
  • ўсимлик ёғи, сирка, туз ва зираворлар.
Тайёрланиш жараёни:
  1. Лавлаги тозаланиб, сомонча шаклида тўғралади.
  2. Саримсоқ майдалаб олинади.
  3. Маҳсулотлар аралаштирилиб, сирка ва ёғ қўшилади.
  4. Таъбга кўра шакар, туз ва зираворлар қўшилади.
Лимон ва лавлагили салат 

Керакли маҳсулотлар:

  • карам − 1 бош;
  • сабзи − 2 дона;
  • лавлаги − 1 дона;
  • кўк пиёз − бир боғлам;
  • асал − 2 чой қошиқ;
  • лимон шарбати − 1/2
  • туз ва зираворлар.
Тайёрланиш жараёни:
  1. Карам майдалиб, тузланади. Уни юмшатиш учун яхшилаб эзилади.
  2. Сабзи қирғичдан сомонча шаклида ўтказилади. Лавлаги ҳам шу тарзда тўғралади.
  3. Кўк пиёз майда тўғралади. Лимон шарбати ҳамда асал аралаштирилади.
  4. Сўнгра барча маҳсулотлар бир идишга солинади ва туз, зираворлар билан яхшилаб аралаштирилади.
«Дангаса балиқ» салати

Керакли маҳсулотлар:

  • тузланган селд балиғи − 250-300 грамм;
  • лавлаги − 250-300 грамм;
  • пиёз − 1 дона;
  • олма − 1 дона;
  • лимон − 1 дона;
  • сметана 2-3 ош қошиқ;
  • тарталеткалар;
  • кўк пиёз, туз ва зиравор.
Тайёрланиш жараёни:
  1. Пиёз майда тўғралиб, лимон шарбати қуйилади.
  2. Селд балиғи ҳам майдаланиб, пиёз устидан солинади.
  3. Пиширилган лавлаги ҳам йирик шаклда тўғралиб, маҳсулотлар устига солинади.
  4. Олма пўстидан тозаланиб, тўртбурчак шаклида тўғралади. Лимон шарбати билан аралаштириб, масаллиқлар устига солинади.
  5. Сметана ёки майонез билан аралаштирилиб, тарталеткалар устига солинади.
  6. Кўк пиёз билан безатилади.
Ёқимли иштаҳа!

Изоҳ
Асосий янгиликлар
Маҳаллий
Тошкентда Туркиядаги зилзиладан жабр кўрганлар учун ёрдам қабул қилинмоқда
Шоу-бизнес
Қашшоқ оилада туғилган бўлса ҳам, ҳаётда ўз ўрнига эга бўлишни уддалаган Голливуд юлдузлари (фото)
Дунё
“Сталиндан кейинги иккинчи одам” — Маленковнинг ҳокимиятдан четлатилиши, боши танасидан жудо этилган Шотландия қироличаси ва Канадада тўқнашган икки поезд. Кун хро...