Россиялик тадбиркор, Telegram асосчиси Павел Дуров “ўз салоҳиятини тўлиқ очиб, онгини тиниқ сақлаш”ни истаганларга қарамликни келтириб чиқарадиган моддалардан тийилишни тавсия қилди. У бу ҳақида ўз Telegram каналида эълон қилди.
“Менинг муваффақиятим ва саломатлигим 20 йилдан ортиқ вақт давомида спиртли ичимликлар, тамаки, қаҳва, таблеткалар ва гиёҳванд моддалардан бутунлай воз кечганимнинг натижасидир. Қисқа муддатли лаззат сизнинг келажагингизга арзимайди”, таъкидлади тадбиркор.
Дуров 33 ёшга тўлган кунида ёзган постига ҳам тўхталиб ўтган. Шунда тадбиркор ўзи тийилган еттита нарсани санаб ўтди.
Аввалроқ Павел Дуров америкалик рэпер Snoop Dogg’нинг фарзанд кўришни секинлаштириш ҳақидаги маслаҳатига жавоб берган эди. Тадбиркор “Dogg’ни тушуниш учун ўзингиз ҳам Dogg бўлишингиз керак" деб айтиб, ўзига ҳазил қилган рэперга Telegram’га ўтишни таклиф қилди. Унинг сўзларига кўра, Telegramда “махфийлик энг муҳим нарса” ҳисобланади.
Изоҳ (0)