Италияда коронавируснинг учинчи тўлқини сабаб давом этаётган навбатдаги локдаун вақтида 22 март куни Венеция сувларида икки дельфин пайдо бўлди. Сан-Марко майдонидаги каналларда кўриниш берган дельфинлар она-бола экани тахмин қилинмоқда. Бу ҳақда Падуа университети ветеринари ва доценти Сандро Маццариол хабар берди, деб ёзмоқда «Korrespondent.net».
Унинг сўзларига кўра, ҳайвонлар катта эҳтимол билан каракатица (денгиз моллюскларининг бир тури) овлаган ёки сув транспорти сонининг қисқаргани туфайли шаҳарга сузиб кирган. Дельфинлар Венеция сувларида тахминан етти соат кузатилган.
Мацсариолнинг айтишича, шаҳар ҳукумати дельфинларни денгизга қайтариб олиб боришни ташкиллаштирди: полиция ва соҳил хавфсизлиги хизмати акустик қурилмалар ўрнатилган еттита қайиқдан иборат кичик карвонни сувга туширди.
Шундай қилиб, ҳайвонлар Адриатик денгизининг очиқ сувларига чиқарилди.
Аввалроқ Янги Зеландия жанубий оролларининг шимолий қисми, Крайстчерчнинг шимоли-ғарбида жойлашган Фаруэлл-спит қирғоқларига 50 та қора дельфин сузиб чиққани ҳақида ҳақида хабар берилган эди.
Радиостанция маълумотларига кўра, воқеа жойига етиб келганлар у ердан 49 та қора дельфинни топди. Жониворлар Голден Бей кўрфазининг Фаруэлл-спит қисмидаги саёз жойларда туриб қолган.
Изоҳ (0)