Кундалик кийиш учун мўлжалланган энг мукаммал либос, аввало, универсал бўлиши, қоматдаги камчиликларни яшириб, гардеробдаги аксарият аксессуарларга мос бўлиши керак. Ана шунда кўнгилдагидек образ яратиш ва киши ўзини эркин ҳис қилиши мумкин бўлади.
Қора, калта либос
Бундай кўйлак нафақат қоматдаги камчиликларни яшириши, балки афзалликларга урғу бериши билан ҳам ўзига хосдир. Бундай мукаммал моделдаги либосни танлаш учун қомат тузилиши ва бўй узунлигини ҳам инобатга олиш керак.
Масалан, Гвинет Пелтроу сингари А-силуэтли либос исталган қомат эгасига мос келиши мумкин. Оёқлари узун ва қийшиқ бўлмаган қизлар эса калта вариантларга эътибор қараца бўлади. Сарвқомат кўринишни истовчиларга эса белга камар тақиш тавсия қилинади. Бу борада Анжелина Жолининг образидан илҳомланиш мумкин.
Трикотаж либос
Совуқ кунлар учун трикотаж матодан тикилган кўйлакдан яхшиси йўқ. Макси узунлигидаги моделларни Виктория Бекхем сингари ултразамонавий ботфорт, этиклар билан кийса бўлади.
Калта бичимли либосларни хуш кўрувчилар эса Белла Хадид сингари преппи услубида кийиниши мумкин.
Геометрик нақш принти туширилган либос
70 йиллардагидек график ва геометрик шакллар принти туширилган либослар энг универсал моделлар ҳисобланади. Гул ва хол-хол принтлардан фарқли ўлароқ, мазкур кўйлаклар билан ранг-баранг образ яраца бўлади. Улар нафақат кундалик, балки иш учун ҳам айни муддао. Риз Уизерспун ва Кристен Данстнинг образи сизга бу борада шпаргалка бўла олади.
Изоҳ (0)