Ўйинчоқ ишлаб чиқариш компанияси – Mattel 2021 йил Барбининг дўсти Кеннинг 60 йиллигини нишонламоқда, деб ёзади Esquire.
Юбилей шарафига таниқли қўғирчоқ учун мода брендлари аллақачон иккита коллекциясини ишлаб чиқарди. Berluti ва рассом Брайан Рошфор француз брендининг куз—қиш 2021 коллекциясида Кен учун учта мода образини таклиф қилган: икки тугмали пижак, босмали кўйлак ҳамда шим, чарм куртка, шим ва ипак устки кийим. Шунингдек, барча кийимларнинг инсон ўлчамидаги вариантлари мавжуд ва уларни харид қилиш мумкин. 2021 йилнинг май ойида эса қўғирчоқ кийимлари хайрия аукционига қўйилиши маълум қилинган.
Пойабзал дизайнери Маноло Бланик Кен учун куз—қиш 2020 коллекциясидаги Laxtis оёқ кийимини ишлаб чиқарди.
«Кўп йиллар давомида Кеннинг қиёфаси жиддий ва жасур бўлиб қолмоқда. Мен унинг ҳақиқий пойабзалимдан бирига эга бўлишини истар эдим. Унинг дизайни, фикримча, танланган образга тўлиқ мос келади. Мен Laxtis оёқ кийимини танладим: қора лак чарм, катта қора қисқич — классик ва ностандарт ёрқин деталлар уйғунлиги. Менга Кен айнан шундай комбинацияни танлагандек туйилди» – дейди дизайнер ҳамкорлик ҳақида.
Изоҳ (0)