Чиройли қоматни ҳам хунук қилиб кўрсатувчи либослар (фото)

Айрим либослар бир-бирига мос эмаслиги ёки қоматга тўғри келмагани учун ҳам образни камчиликларга бой қилиб кўрсатади.

Кичик ўлчамдаги либос

Кичик ўлчамдаги либосни қанчалар мажбурлаб кийишга ҳаракат қилинмасин, у барибир қоматга мос тушмайди. Аксинча, белда ҳосил бўлган бурмаларни аниқ намоён қилади ва ортиқча вазндаги аёлларни янада семиз қилиб кўрсатади.

Калта нимча

Кичик бичилган ҳар қандай либос визуал равишда унинг эгасини катта кўрсатади. Шунингдек, тана қисмлари уч қисмга бўлиниб, биргина калта нимча туфайли ностандарт кўринишни ҳосил қилади.

Оверсайз либослар

Тўладан келган аёллар учун оверсайз либослар айни муддао. Уларнинг дўмбоққина қомати кенг бичилган кийимлар ортига яширинади. Аммо озғин қизларда эса бу аксинча натижа бериши мумкин. Оверсайз либос уларни янада кичик ва либос ичида ҳаддан ташқари ориқ қилиб кўрсатади.

Расмий либос ва ясси пойабзал

Ясси пойабзаллар ҳар қандай вазиятда қулай бўлиши мумкин, аммо расмий услублар билан эмас. Ясси пойабзалда тана тик тутилмайди, натижада қомат бироз семиз ва оёқлар ҳам калтароқ кўриниш ҳосил қилади.

Калта кўйлак ҳамда баланд пошнали туфли

Этак қисми кенг ва калта бўлган кийимлар билан пошнаси баланд ва ҳажми катта бўлган пойабзал кийиш тавсия этилмайди. Чунки бу кўриниш орқали оёқлар жуда қисқа кўриниши мумкин. Мукаммал шакл учун шунчаки нафис ва бежирим туфлилар кийган маъқул.

Калта жинси шорти ва колготка

Умуман олганда, ушбу кўринишни мода оламида ҳеч ким тан олмайди. На қулайликка ва на дидга мос келувчи ёрқин жинси шорти ва қора колготка ўзаро уйғунликни ташкил этмайди. Яхшиси, узун жинси шим ёки колготка билан бирор кўйлак кийиш тавсия этилади.