Apple компанияси Бразилиянинг Сан-Паулу штатида истеъмолчилар ҳуқуқларини ҳимоя қилиш бўйича маҳаллий қонунчиликни бузгани учун, тахминан, 2 миллион доллар жаримага тортилди. Бунга iPhone қурилмалари қувватлантиргичсиз сотилаётгани сабаб бўлган, деб ёзади IXBT.
Сан-Паулудаги Procon-SP истеъмолчилар ҳуқуқларини ҳимоя қилиш давлат ташкилоти iPhone’лар жамланмаси қувватлантиргичсиз сотилаётганига оид текширувларидан сўнг, Apple’ни жаримага тортишга қарор қилган.
Декабрь ойида Procon-SP Apple’га iPhone смартфонларини қувватлантиргич билан сотиш мажбуриятини юклаган эди. Энди эса навбатдаги қадам амалга оширилди — жарима.
Эслатиб ўтамиз, Apple 2020 йилнинг октябрдан бошлаб ўзининг янги смартфонлари наушник ва қувватлантириш қурилмасисиз сотишга қарор қилган. Бу орқали компания атроф-муҳитга етказиладиган зарарларни камайтириш ниятида. Мазкур янгилик iPhone 12 линейкасидаги барча моделлар ва ҳозирда сотувда қолган эски iPhone’ларга ҳам тааллуқли. Бироқ компания Франция учун истисно қилишга тўғри келди ва ушбу мамлакатда сотиладиган смартфонлар қутисидан наушник ҳам ўрин олади.
Изоҳ (0)