OpenSignal таҳлилий агентлиги замонавий флагманлардаги мобил алоқа сифатини ўрганди. Бунинг учун улар АҚШ ҳудудида 5G ва 4G тармоқлардаги смартфонларнинг ўртача интернет тезлигини синовдан ўтказган, деб хабар беради Hi-Tech.Mail.ru.
Умумий ҳисобда брендлар таққосланса, 5G орқали юклаб олиш тезлиги бўйича Samsung етакчилик қилмоқда — мазкур бренд смартфонлар ўртача 54 мегабит/сонияни тақдим этмоқда. Кичик фарқ билан OnePlus ва Google смартфонлари кейинги поғонада жойлашган бўлса, улардан кейин LG ўрин олган. Apple компаниясининг смартфонлари эса энг охирги ўринда. iPhone 12 флагманлари ўртача 44,5 мегабит/сония тезлигида ишлайди.
Агарда моделлар алоҳида олинадиган бўлса, iPhone 12 ҳатто мобил интернет энг тез бўлган 25 та смартфондан иборат рўйхатдан ҳам ўрин олмаган.
Apple ўзининг 5G-смартфонлари рақибларидан кейин тақдим этган, миш-мишларга кўра, бунга Intel томонидан модемларни яратиш муаммоси сабаб бўлган. iPhone 12’га Qualcomm чиплари ўрнатилган, бироқ бунга қадар компания Интелъдан модемлар ишлаб чиқариш ва коллектив мутахассисларни харид қилган. Шундай экан, қурилмаларнинг кейинги авлодида Apple ўз ечимини тақдим этиши мумкин.
Аввалроқ AnTuTu бенчмарки 2021 йилнинг февраль ойи якунлари бўйича энг кучли Android смартфонлар рейтингни эълон қилганди. Сўнгги уч ой ичида Snapdragon 888 процессорида ишлайдиган дастлабки смартфонлар чиққан, шу сабабли рўйхат ўтган йилнинг охиридаги рейтингдан анча фарқ қилади.
Изоҳ (0)