LetsGoDigital интернетда тарқалган маълумотлар асосида букланадиган биринчи iPhone’нинг 3D-рендерлари сериясини тақдим этди, деб ёзади «Korrespondent.net».
Маълум қилинишича, эгилувчан экранга эга Apple смартфони бунга қадар Motorola ва Samsung томонидан тақдим этилган «раскладушка» шаклида.
Визуализацияни яратган фойдаланувчиларининг тахминича, Apple учун эгилувчан OLED-матрицани айнан Жанубий Корея компанияси етказиб бериш билан шуғулланади.
Келажак гаджетининг ташқи кўриниши iPhone 12’нинг квадрат дизайнига ўхшаш. Рендерлардан кўриш мумкинки, камера блоклари ёнида қўшимча экран жойлашган бўлиб, унда турли сервис маълумотлари намойиш этилади.
Миш-мишларга кўра, биринчи эгилувчан iPhone Fold номига эга бўлади ва 2022 йилдан олдин тақдим этилмайди.
Аввалроқ букланадиган экранга эга биринчи iPhone нархи 1499 доллар бўлиши ва у 2023 йилда тақдим этилиши тўғрисида хабар берилганди.
Изоҳ (0)