Samsung компанияси тўртта камера ва катта экранли, шунингдек, сувдан ҳимояланган корпусга ўрта нархдаги икки смартфонини тақдим этди, деб хабар беради Hi-Tech.Mail.ru.
Galaxy А52 иккита бутун дунёдаги энг кўп сотилган смартфонларга айланган Galaxy А51 ва А50’нинг тўғридан-тўғри давомчисига айланди. Galaxy А72 кўп жиҳатдан кичик моделга ўхшайди, фақат бир поғона устун — экран каттароқ, камераси яхши ва аккумулятор сиғими катта.
Ўзидан олдинги авлодлардан фарқли ўлароқ, янги смартфонлар алюминий ромли корпус ва пластик қопқоққа эга бўлган. Шу билан бирга, IP67 стандарти бўйича сув ва чангдан ҳимояланган — бу IP68’дан анча паст ҳимоя даража бўлса-да, сувга тушишдан ҳимояланган.
Galaxy А52 ва А72’га энг юқори ёрқинлик даражаси 800 нитга тенг ва 90 герцли янгиланиш частотасига эга Super AMOLED-дисплей ўрнатилган. Иккала ҳолатда ҳам бармоқ изи сканери экраннинг ўзига ўрнатилган.
Камералар жамланмаси стандарт. Galaxy А52’нинг асосий модули 64 мегапикселлни ташкил этади, шунингдек, 12 мегапикселли кенг бурчакли, 5 мегапикселли макро-камера ва чуқурликни ўлчовчи датчик ўрнатилган. Galaxy А72’га чуқурликни ўлчовчи телефотообъектив ўрнига 3 карра яқинлашитувчи зум ўрнатилган.
Иккала смартфон ҳам Snapdragon 720G процессорида ишлайди, айрим бозорлар учун Snapdragon 750G ўрнатилган Galaxy А52 5G сотувга чиқарилади. Бунга қўшимча равишда 4, 6 ёки 8 гигабайт тезкор хотира ва 128/256 гигабайт ички хотира ҳам мавжуд. Моделларнинг аккумуляторларида ўртасида кичик тафовут бор — 4500 ва 5000 мА/соат.
Galaxy А52 ва А72 ўзидан олдинги моделлардан қимматроқ — мос равишда 365 ва 445 доллар (2019 йил охитида Galaxy А51 нархи 270 долларни ташкил этганди). Нархлардаги бу каби фарқ смартфон таннархининг қимматлашгани билан изоҳланмоқда.
Аввалроқ ечиладиган аккумуляторга эга «ўлмайдиган» смартфон — Samsung Galaxy ХCover5 тақдим этилган эди.
Изоҳ (0)