Президент Чирчиқ шаҳрига ташрифи чоғида «Ифтихор» маҳалласини кириб кўрди. Кўп қаватли уйларда яшаётган одамлар билан суҳбатлашди. Бу ҳақда Президент матбуот хизмати хабар берди.
«Чирчиқ бир пайтлар донғи кетган шаҳар эди. Охирги вақтларда анча ‘чарчаб’ қолганди. Тегирмон навбати билан, дегандек, энди бу ерда ҳам ҳамма шароитларни яратамиз. Саноатни кўтариш, иш жойлари очиш, йўлни, иссиқлик таъминотини яхшилаш бўйича катта ишларни бошлаяпмиз», – деди давлат раҳбари.
Шавкат Мирзиёев ҳудуддаги муаммоларни, аҳолининг талаб ва истакларини сўради. Тадбиркорлик қилмоқчи бўлган йигитга ер ажратиш бўйича шаҳар ҳокимига кўрсатма берди. Президентни кўришни орзу қилиб, давлат раҳбари олдига чиққан болани бағрига босиб, суратга тушди.
Президент шу ердаги «Лола» маҳалласида ҳам бўлди. Ижтимоий ҳимояга муҳтож оила хонадонига кириб, ҳол-аҳвол сўради.
Йўл-йўлакай меҳнат фахрийлари билан самимий суҳбат бўлди. Улар мамлакатдаги тинчлик-осойишталик, Чирчиқ шаҳридаги ўзгаришлардан мамнун эканини айтиб, дуолар қилди.
Мавзуга доир:
- «Экишдан олдин сотишни ўйлаш керак. Ерни тадбиркорга бериш зарур» — Шавкат Мирзиёев
- «Тошкент вилоятига 119 трлн сўм йўналтирилади. Ҳали ҳеч бир вилоятда бундай марра олинмаган» — Президент
- «Адолатли ҳақиқатни халқимизга етказиб берасизлар, мен сизларга ишонаман» – Шавкат Мирзиёев ОАВ вакиллари билан учрашди
- Шавкат Мирзиёев шоли етиштириб, уни қайта ишлайдиган «TST Rice» корхонаси билан танишди
- «Чирчиқни инновацион, инвестицион шаҳар қилиш мумкин». Шавкат Мирзиёев Чирчиқдаги қурилиш ишлари билан танишди
Изоҳ (0)