Буюк Британия ҳукумати мамлакатда мудофаа ва ташқи сиёсатнинг қайта кўриб чиқилиши масаласи бўйича 2021 йилда коррупцияга қўл урган амалдорларга қарши янги, кенг қамровли санкцияларни жорий этишни режалаштирмоқда. Бу ҳақда «Интерфакс» хабар берди.
Буюк Британияда 2021 йилда коррупцияга алоқадор мансабдор шахсларга қарши иккинчи кенг қамровли санкция режими жорий этилади, унга биноан коррупцияга алоқадор ёки Буюк Британиянинг молиявий тизими орқали пулни қайта йўналтиришни амалга оширган шахсларнинг мамлакатга эркин кириши тақиқланиши мумкин, дейилади ҳукумат баёнотида.
Таъкидланишича, бундай чоралар Британия ҳукуматига коррупцияга қарши курашнинг мавжуд воситаларини тўлдиришга ва шу каби режимга эга бўлган АҚШ ва Канада билан ҳамкорликни яхшилашга ёрдам беради.
«Биз санкциялар режимидан қадриятларимиз ва манфаатларимизни илгари суриш, шунингдек, давлатга таҳдидлар, терроризм, киберҳужумларга қарши курашиш, кимёвий қуролдан фойдаланиш ва уни тарқатишга қарши курашиш учун комплекс ёндашувнинг бир қисми сифатида фойдаланамиз», — дея таъкидланади баёнотда.
Аввалроқ Қозоғистоннинг коррупцияга қарши курашиш агентлиги мамлакатда порахўр амалдорни кўча тозалатиш орқали жазолашни таклиф қилганди. Хабарга кўра, ушбу турдаги жазо психологик жиҳатдан анча самарали бўлиб, жамият ўз «қаҳрамонларини» таниб олади.
Изоҳ (0)