Жо Байден маъмуриятида Дебора Холэнд АҚШнинг янги ички ишлар вазири этиб тайинланди. Конгресс Сенати унинг номзодини маъқуллади. Холэнд Қўшма Штатларнинг Вазирлар Маҳкамасида фаолият юритган тарихдаги биринчи туб аҳоли вакили бўлди. Бу ҳақда The New York Times газетасига таяниб «РБК» хабар берди.
Холэндни ички ишлар вазири лавозимига тасдиқлаш учун 51 нафар сенатор (фақат тўрт нафари республикачилар) овоз берди, 40 нафари қарши чиқди.
Пуэбло халқи вакили бўлган 60 ёшли Дебора Холэнд Нью-Мексико штатидан АҚШ Вакиллар палатаси аъзоси ҳисобланади, 2018 йилда у конгресснинг қуйи палатасига сайланган биринчи икки ҳинду аёллардан бирига айланди, деб таъкидлади нашр.
Янги лавозимида Холэнд федерал ерлардан фойдаланиш ва табиий ресурсларни қазиб олиш, АҚШнинг 1,9 миллион туб аҳолиси ва йўқолиб кетиш хавфи остида бўлган турларини ҳимоя қилиш масалалари билан шуғулланади.
Байден 2020 йил ноябрь ойида АҚШда бўлиб ўтган президентлик сайловларида ғалаба қозонганди, 56 ёшли Камала Ҳаррис вице-президент бўлди — бу лавозимдаги биринчи аёл (ва биринчи қора танли) бўлди. Пентагонга ҳам биринчи марта афроамерикалик Ллойд Остин раҳбарлик қилди.
Аввалроқ Ирландия ҳукумати 2020 йилнинг декабрида ҳомиладорлиги ҳақида хабар берган адлия вазири Хелен Макентига туғруқ таътили берди. Таътил бериш тўғрисида қарор қабул қилишдан олдин бир неча ой муҳокамалар ўтказилган, чунки давлат қонунчилигида сайланган сиёсатчилар учун бундай таътиллар кўзда тутилмаган.
Изоҳ (0)