Нью-Йоркда эски Volvo 20 млн долларга сотилмоқда. Машинанинг бу қадар қимматлиги «чиройли» авторақамига боғлиқ

Нью-Йоркда 1990 йиллар ишлаб чиқарилган Volvo V70 20 миллион доллар қийматида сотувга қўйилди. Автомобилнинг бу қадар қимматлиги унинг рақамига боғлиқ — машина замонавий намунадаги биринчи расмий пешлавҳага эга бўлган, деб ёзади Motor.

Сотувчининг сўзларига кўра, ноёб автомобиль рақамини унинг отаси 1970 йилларда сотиб олган. Бироқ бу каби рақамлар 2010 йилнинг 1 апрелидан муомалага кирган. Бу каби рақамлар ва шаҳар номи тўқ кўк рангда туширилган асосий сариқ фон билан ажралиб турган. Нью-Йоркдан ташқари пешлавҳа остига Empire State ҳам ёзилган бўлиб, Манхэттен оролида жойлашган осмонўпарга ишора.

Бу турдаги белгилар серияси ўзида ҳарфлардан иборат серияли рақамларни мужассам этган. Бироқ айни вақтда «табличка»га анъанавий равишда фақат New York ёзуви туширилган, бу мазкур рақам ўз сериясида биринчи эканлигини билдиради. Сотувчининг сўзларига кўра, ушбу «табличка» шаҳар тарихининг ажралмас қисми ҳисобланади. Потенциал харидор автомобилини фақатгина Нью-Йоркда рўйхатга қўя олади.

Ҳозирга қадар амалда бўлган биринчи сериядаги ноёб автомобиль рақамини 20 миллион долларга харид қилиш мумкин. Шу билан бирга, рақам билан универсал кузовидаги эски Volvo ҳам сотилади, бу марка тарихидаги энг қиммат автомобилга айланиши кутилмоқда.

Аввалроқ Австралияда 80 йиллик тарихга эга «чиройли» авторақам қарийб 2 миллион долларга сотилгани тўғрисида хабар берилганди.