Япониянинг Honda компанияси автомобиллар учун вирус зарраларини 100 фоиз ушлаб қолиб, йўқ қилишга қодир дея таърифланаётган салон фильтрини яратди, деб хабар беради Motor.
Коронавирусга қарши янги фильтр тўрт қават материалдан иборат: дастлабки иккитаси чанг ва гул чангларини тутиб қолувчи микротоладан иборат, учинчисида ҳавони фильтрлаш учун активлаштирилган кўмир бор ва ниҳоят, тўртинчисида вирус зарраларини тутиб қолувчи мевали экстракт мавжуд.
«Жамият ҳозирда ҳар қачонгидан ҳам коронавирус каби вирусларнинг инсон организмига таъсири оқибатларидан хабардор бўлгани сабаб, биз бундай фильтрларга бўлган талаб тез ортишига умид қилмоқдамиз», — дейди Honda Access Europe NV президенти Эйити Хино.
Мазкур фильтр ҳозирда Honda’нинг Европа бозорларидаги барча актуал моделларига стандарт салон фильтри ўрнидаги опция сифатида ўрнатилмоқда. Бунга қўшимча равишда компания автомобиль йўловчиларининг коронавирусга чалинмаслигига ёрдам берадиган масалаҳатлар билан ҳам бўлишяпти. Масалан, салон фильтрини одатдагидан тезроқ алмаштириш керак, шунингдек, автомобиль салонини тез-тез шамоллатиб, ҳаво айланишини максимал таъминлаш зарур.
Эслатиб ўтамиз, 2020 йилнинг июлида янги Rolls-Royce Ghost антивирус ҳимояга эга бўлиши маълум қилингади.
Изоҳ (0)