Фарғона вилоятининг Фарғона туманида коммунал тўловлар учун аҳолидан йиғилган маблағларни талон-торож қилган шахсларга жиноят иши қўзғатилди, дея хабар берди «Дарё» мухбири.
Маълум қилинишича, Бош прокуратура ҳузуридаги иқтисодий жиноятларга қарши курашиш департаментининг Фарғона туман бўлими томонидан терговга қадар текширув ўтказилган.
Текширув давомида «Фарғона сув таъминоти» МЧЖнинг Фарғона тумани бўлими собиқ раҳбари Ў.Т. ва моддий жавобгар шахслар аҳолидан ичимлик суви ва оқова хизмати учун йиғилган 108 миллион 500 минг сўмлик квитанцияларни электрон базага киритмагани, шунингдек, 2020 йил давомида бўлим муҳри билан тасдиқланган тўлов квитанциялари орқали йиғилган 14 миллион 800 минг сўмни ўзлаштириш йўли билан талон-торож қилгани аниқланган.
Мазкур ҳолат юзасидан Ў.Т. ва бошқаларга нисбатан Жиноят кодексининг 167-моддаси (талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)