Ижтимоий тармоқларда Хоразм вилоятидаги Хонқа буюм бозорининг том қисми қулаб тушгани тўғрисида хабарлар тарқалди.
Вилоят Фавқулодда вазиятлар бошқармаси матбуот хизматининг маълум қилишича, ҳақиқатан ҳам, 14 март куни «Хонқа буюм савдо» МЧЖ (буюм бозори) биноси том қисми белгиланган юк кўтармасидан ошиқроқ юклама оқибатида қулаб тушган.
Ҳодиса оқибатида жабрланганлар йўқ. Ҳозирда туман фавқулодда вазиятлар бўлими ва ҳамкор ташкилотлар томонидан содир бўлган ҳодиса оқибатида юзага келган ноқулайликларни бартараф этиш жараёни кетмоқда.
13 март куни Хоразм вилояти Хонқа тумани суди биносининг томи кучли шамол оқибатида қулаб тушганди. Содир бўлган воқеа натижасида ҳеч ким тан жароҳати олмаган.
Аввалроқ Хоразмга кучли шамол ва қор бўрони ёпирилгани сабаб вилоятдаги кўплаб хонадонлар электр энергиясисиз қолгани ҳамда кучли шамол сабаб Навоийдаги 3 та туман ҳудудидан ўтган йўлнинг бир қисми транспорт воситалари ҳаракати учун вақтинча ёпилгани ҳақида хабар берилганди.
Эслатиб ўтамиз, «Ўзгидромет» 13—14 март кунлари Ўзбекистонда ёмғир ва қор ёғиши, шамол тезлиги кучайишини маълум қилганди.
Изоҳ (0)