Сувдан ҳимояланган замонавий смартфонларнинг аксарияти IP68 стандартига мос келади. Унга кўра, қурилма 1 метргача бўлган чуқурликда ярим соатгача тура олади, деб ёзади IXBT.
Шунга қарамай, смартфонлар кўпинча сув билан боғлиқ бундан ҳам жиддий синовларга бардош бера олади, бироқ ишлаб чиқарувчиларнинг бу каби кафолат беришига эҳтиёж йўқ.
Сувдан ҳимояланиш даражаси қанчалик яхшилигига ярим йил Британия Колумбиясидаги Харрисон кўлининг тубида ётган iPhone 11 мисол бўла олади. Уни кўл остида тадқиқот ўтказган ғаввослар топиб олган.
Маълум бўлишича, сув остидан топилган iPhone деярли тўлиқ соз ҳолатда, фақат микрофони ва динамикаси билан бироз муаммо бор. Натижада смартфон буни ҳазил деб ўйлаган ўз эгасига қайтарилган.
iPhone 11 қанча чуқурликда ётгани номаълум, бироқ видеодан кўриш мумкинки, у бир метрдан кўпроқ.
Аввалроқ Huawei Mate 40 ва iPhone 12’нинг сув ўтказмаслик қобилияти кир ювадиган машинада «текшириб кўрилгани» тўғрисида хабар берилганди.
Изоҳ (0)