AnTuTu бенчмарки 2021 йилнинг февраль ойи якунлари бўйича энг кучли Android смартфонлар рейтингни эълон қилди, деб хабар беради Hi-Tech.Mail.ru. Сўнгги уч ой ичида Snapdragon 888 процессорида ишлайдиган дастлабки смартфонлар чиқди, шу сабабли рўйхат ўтган йилнинг охиридаги рейтингдан анча фарқ қилган.
Рейтингнинг биринчи поғонасидан Vivo компаниясининг iQOO 7 смартфони ўрин олган — у рекорд даражадаги 727 минг баллни тўплаган. Қолган ўринлар нафақат Snapdragon 888’да ишлайдиган смартфонларга, балки бошқа чипли моделларга ҳам насиб этган — Huawei ва Samsung’нинг янги флагманлари.
- iQOO 7 (Snapdragon 888) — 727 минг балл;
- Xiaomi Mi 11 (Snapdragon 888) — 708 минг балл;
- Samsung Galaxy S21 Ultra (Snapdragon 888) — 680 минг балл;
- Huawei Mate 40 Pro (Kirin 9000) — 654 минг балл;
- Samsung Galaxy S21+ (Exynos 2100) — 646 минг балл;
- Samsung Galaxy S21 Ultra (Exynos 2100) — 638 минг балл;
- Асус ROG Phone 3 (Snapdragon 865+) — 630 минг балл;
- OPPO Find X2 Pro (Snapdragon 865) — 610 минг балл;
- Samsung Galaxy S21 (Exynos 2100) — 601 минг балл;
- OnePlus 8 Pro (Snapdragon 865) — 596 минг балл.
«Бенчмаркдаги ишлаш самарадорлиги юқори бўлган натижалар смартфон барқарор ва қотмасдан ишлашини кафолатламайди. Ушбу тестлар маълум бир ҳисоблашлар орқали қурилма қувватини текширади холос», — дейилади хабарда.
Изоҳ (0)