Тошкентда Nexia-3 ва Spark иштирокида содир бўлган йўл-транспорт ҳодисаси оқибатида енгил машиналарда ёнғин чиқди, деб хабар беради ФВВ матбуот хизмати.
Маълум қилинишича, ЙТҲ 10 март кунидан 11 март кунига ўтар кечаси, Шота Руставели кўчасида содир бўлган. Тўқнашувдан сўнг иккала машинада ҳам ёнғин келиб чиққан.
Ҳайдовчилар ўз вақтида машинадан чиқиб кетишга улгургани сабаб кўнгилсиз ҳодиса оқибатида ҳеч кимга жароҳат етмаган.
«Бир неча дақиқадан сўнг ёнғин содир бўлган жойга Тошкент шаҳар Фавқулодда вазиятлар бошқармасининг ёнғин-қутқарув гуруҳлари етиб келган ва ёнғин бартараф этилди», — дейилади хабарда.
Аввалроқ Фарғонада Lacetti билан тўқнашган Matiz ёниб кетиши оқибатида икки йўловчи аёл вафот этгани, Деҳқонободда Шаҳрисабздан келаётган юк машинасида ёнғин чиққани, Сурхондарёдан Тошкентга йўлга чиққан Nexia’нинг ёниб кетиши оқибатида 3 киши вафот этгани ҳақида хабар берилган эди.
Изоҳ (0)