Instagram: Машҳурларни табриклаган ЙПХ ходимлари, тўйи бўлаётган Каниза, Аваз Охуннинг қиёфадоши топилди

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Райҳон барча аёлларни байрам билан табриклаб, турмуш ўртоғи Фарҳод Алимов совға қилган гулларнинг суратини саҳифасига жойлади.

ЙПХ ходимлари 8 март муносабати билан аёл ҳайдовчиларга гуллар тақдим этди. Уларнинг орасида машҳурлар, хусусан, Юлдуз ва Нилуфар Усмоновалар ҳам бор.

Йўл-патруль хизмати ходимларининг ушбу ҳаракати комик актёр Улуғбек Холмедовга «эриш туюлди». У 14 январда ЙПХ ходимлари томонидан эркак ҳайдовчиларга ҳам совға улашиш ташаббуси билан чиқди.

Болливуд актрисаси Карина Капур халқаро хотин-қизлар байрами муносабати билан иккинчи ўғлининг суратини саҳифасига жойлади. «Аёллар қила олмайдиган бирор иш йўқ», деб изоҳлади актриса суратни.

Озода Нурсаидова ҳам янги сурати орқали аёлларни байрам билан табриклади.

Хонанда Анвар Собиров саҳифасига бир нечта фильмларда чиройли жуфтликларни гавдалантирган партнёри Наргиза Абдуллаева билан тушган суратини жойлади.

Аваз Охун Қирғизистонда яшайдиган қиёфадоши билан танишди.

Каниза саҳифасига бармоғига узук тақилаётгани акс этган суратни жойлади.

Зарина Низомиддинова ҳам улкан гулдаста билан тушган суратини саҳифасига жойлаб, аёлларни байрам билан табриклади.

Севара Назархон ҳам барча аёл кузатувчиларини байрам билан муборакбод этди.