Instagram: Mashhurlarni tabriklagan YPX xodimlari, to‘yi bo‘layotgan Kaniza, Avaz Oxunning qiyofadoshi topildi

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Rayhon barcha ayollarni bayram bilan tabriklab, turmush o‘rtog‘i Farhod Alimov sovg‘a qilgan gullarning suratini sahifasiga joyladi.

YPX xodimlari 8-mart munosabati bilan ayol haydovchilarga gullar taqdim etdi. Ularning orasida mashhurlar, xususan, Yulduz va Nilufar Usmonovalar ham bor.

Yo‘l-patrul xizmati xodimlarining ushbu harakati komik aktyor Ulug‘bek Xolmedovga “erish tuyuldi”. U 14-yanvarda YPX xodimlari tomonidan erkak haydovchilarga ham sovg‘a ulashish tashabbusi bilan chiqdi.

Bollivud aktrisasi Karina Kapur xalqaro xotin-qizlar bayrami munosabati bilan ikkinchi o‘g‘lining suratini sahifasiga joyladi. “Ayollar qila olmaydigan biror ish yo‘q”, deb izohladi aktrisa suratni.

Ozoda Nursaidova ham yangi surati orqali ayollarni bayram bilan tabrikladi.

Xonanda Anvar Sobirov sahifasiga bir nechta filmlarda chiroyli juftliklarni gavdalantirgan partnyori Nargiza Abdullayeva bilan tushgan suratini joyladi.

Avaz Oxun Qirg‘izistonda yashaydigan qiyofadoshi bilan tanishdi.

Kaniza sahifasiga barmog‘iga uzuk taqilayotgani aks etgan suratni joyladi.

Zarina Nizomiddinova ham ulkan guldasta bilan tushgan suratini sahifasiga joylab, ayollarni bayram bilan tabrikladi.

Sevara Nazarxon ham barcha ayol kuzatuvchilarini bayram bilan muborakbod etdi.