Машҳур Голливуд актёри Николас Кейж бешинчи маротаба оила қурди. 57 ёшга тўлган актёрнинг навбатдаги рафиқаси Рико Шибата 26 ёшда. Уларнинг никоҳ маросимида жуфтликнинг яқинлари, жумладан, унинг собиқ турмуш ўртоғи Элис ҳамда ўғли Кэл иштирок этган. Маросим Лас-Вегасда, Wynn Hotel меҳмонхонасида бўлиб ўтган.
Николас Кейж ва Рико Шибата
Мухлислар бу сафар актёрга омад кулиб боқишига умид қилмоқда. Сабаби у аввал ҳам 4 марта оила қурган. Илк бора у 1995 йилда актриса Патрисия Аркеттга уйланган, аммо орадан 6 йил ўтиб, никоҳи бузилган.
Николас Кейж ва Патрисия Аркетт
Актёрнинг иккинчи рафиқаси Элвис Преслининг қизи Лиза Мария Пресли эди. Улар 2002 йилда турмуш қурган ва тўйдан, тахминан, уч ярим ой ўтиб ажрашган.
Николас Кейж ва Лиза Мария Пресли
Кореяда туғилган официант қиз Элис Ким Кейжнинг учинчи рафиқасига айланган эди. Улар 2005 йилда Кэл исмли ўғил кўрган. Ушбу никоҳ аввалгиларига нисбатан анча узоқ − 11 йил давом этди. Ажримдан кейин ҳам улар дўстона муносабатни сақлаб қолган. Актёрнинг актриса Кристина Фалтондан Уэстон Коппола Кейж исмли 30 яшар ўғли ҳам бор.
Николас Кейж ва Элис Ким
2019 йилнинг баҳорида актёр 36 яшар Эрика Койке билан турмуш қурган. Жуфтликнинг никоҳ маросими Лас-Вегасда бўлиб ўтган. Аммо орадан 4 кун ўтиб, Кейжнинг ўзи никоҳни бекор қилиш талаби билан судга мурожаат қилган. Кейинчалик актёр никоҳ қайд этилган куни маст эканлиги ҳамда нима бўлганини англамагани, шунингдек, Эрика у билан параллел равишда бошқа бир инсон билан муносабатда бўлгани, ўзининг «жиноий ўтмиши» ҳақида айтмаганини маълум қилган.
Изоҳ (0)