Ер юзида 4 март куни 150 га яқин зилзила содир бўлди. Зилзиланинг энг кучлилари (7,3 дан 8,1 магнитудагача) Янги Зеландия қирғоқлари яқинида қайд этилди. Шу сабабли цунами хавфи эълон қилинган. Бу ҳақда «Korrespondent.net» хабар берди.
АҚШнинг Геология хизмати маълумотларига кўра, турли хил магнитудадаги зилзилалар Испания, Хитой, Япония, Греция, Туркия, Исландия, Никарагуа, Янги Зеландия ва бошқа давлатлар ҳудудида рўйхатга олинган.
Шу муносабат билан Перу, Чили, Франция, Австралия ва Янги Зеландия ҳукуматлари қирғоқ яқинида яшовчи фуқароларни цунами хавфи туфайли эвакуация қилишга чақирди.
ОАВ маълумотларига кўра, Америка сейсмологлари аллақачон илк цунамилар ҳақида хабар берган — 0,03 метр баландликдаги тўлқинлар Тинч океанидаги Тонга қироллиги пойтахти Нукуалофа яқинида қайд этилган.
Бу цунами Тинч океанидаги энг кучли 8,1 балли зилзиладан кейин содир бўлди. Бошқа бир қатор Янги Зеландия давлатлари учун баландлиги бир метрдан уч метргача бўлган тўлқинлар хавфи эълон қилинди.
Изоҳ (0)