Блузка – баҳор мавсумдаги энг муҳим харидлардан бири ҳисобланади. Баҳор келиши билан дизайнерлар гардеробдаги мазкур либосга кўпроқ эътибор қаратади. Блузкани қандай танлаш ва уни қандай либослар билан кийишни Виктория Бекҳэм мисолида кўрсатиб берамиз.
Кофта услубидаги блузкалар ҳар қандай услубдаги кийимга мос тушади, ҳатто дресс-кодлар билан ҳам. Аммо баҳор келганини инобатга олиб блузканинг юмшоқ ва нозик мато — ипак, атлас, шифондан тикилганини тавсия этамиз.
Агар енгил мато қўшимча деталлар билан тўлдирилган бўлса янада яхши. Бундай блузкаларни белга урғу берадиган юқори қисми ингичка, пастки томони кенг шимлар билан кийиш ажойиб услуб яратади.
Қўшимча ҳажмли енглар бу мавсумда трендда бўлиш эҳтимоли юқори. Бундай бичимдаги енглар романтик услуб ва улуғворликни англатади. Блузкаларнинг оқ рангда бўлиши ва турли аксессуарлар билан тўлдирилиши эса айни муддао.
Қўшимча ҳажм ҳақида гап кетганда, либосдаги бурмаларга ҳам эътибор қаратиш лозим. Бундай бурмалар бироз қалинроқ матодан тикилган блузкалар учун яхши қўлланилади, шунда бурма блузка шаклини ушлаб туради ва жуда юмшоқ бўлмайди. Бурмали блузка зерикарли бўлмаслиги учун монохром кийиниш замонавий ечим бўла олади.
Визуал равишда блузка ташқи кўринишнинг марказий қисмидир. Бу шуни англатадики, бошқаларнинг диққат-эътибори биринчи навбатда унга тушади, шунинг учун рангли блузка эгасини ҳар жойда таъкидлаб туради.
Енгил матоли блузка принтли бўлса, ҳар қандай костюм билан ҳам уни бемалол кийиш мумкин. Бундай принтли блузкага тренддаги деталь — боғланадиган лентали ёқа нафислик бахш этади.
Мавзуга доир:
Изоҳ (0)