Бельгия ҳукумати AstraZeneca компаниясининг коронавирусга қарши вакцинаси билан 55 ёшдан ошганларни ҳам эмлаш учун рухсат берди. Бу ҳақда Politico нашрига таяниб «Korrespondent.net» хабар берди.
Давлат Соғлиқни сақлаш кенгаши препаратни хавфсиз ва етарлича самарали деб ҳисоблайди.
Бельгия 55 ёшдан 65 ёшгача бўлган ёш чегараларини белгилаб, кексалар учун AstraZeneca вакцинасидан фойдаланмасликни тавсия қилган Европа Иттифоқи давлатларидан бири эди.
Лекин февраль ойида вакцинанинг битта дозаси Англия ва Шотландияда касалхонага ётқизиш ҳолатларини сезиларли даражада камайтиргани ҳақида ижобий маълумотлар эълон қилинди ва Европа Иттифоқи вакциналар учун ёш билан боғлиқ чекловларни босқичма-босқич олиб ташлай бошлади.
«Бир қарашда натижалар умид уйғотади», — дейилади Бельгия расмийларининг янгиланган низомида.
Шунингдек, Соғлиқни сақлаш кенгаши эски ва ҳали эълон қилинмаган маълумотларга нисбатан эҳтиёт бўлиш кераклигини таъкидлади.
Аввалроқ ЖССТ йил охиригача коронавирусни енгиб ўтиш масаласини кўриб чиққани ҳақида хабар берилган эди.
Изоҳ (0)